Fisnik Asllani ka zënë vend në ekipin më të mirë të xhiros në Bundesligë.
Sulmuesi i Kosovës të shtunën shënoi gol dhe asistoi në fitoren 4:2 të Hoffenheimit ndaj Heidenheimit.
Dhe për shkak të asaj paraqitje zuri vend në ekipin e xhiros së 25-të sipas “Kicker”, “Bild” dhe agjencisë së lajmeve SID.
Asllani ka tetë gola e pesë asistime në 24 paraqitje në Bundesligë.
Interesim për 23-vjeçarin kanë shprehur skuadra të mëdha evropiane. Chelsea është prej skuadrave të mëdha angleze që po e përcjell situatën rreth yllit të Kosovës.
