Mbështete KOHËN. Ruaje të vërtetën
Futboll

986 gola nga Ronaldo

Cristiano Ronaldo

Cristinao Ronaldo do t’i duhen vetëm edhe 14 gola në karrierë për ta arritur shifrën jubilare, atë të 1,000 golave në karrierë.

Ronaldo shënoi gol të premten mbrëma për Al-Nassrin që pësoi disfatë nga Al-Ahli me rezultatin 3:1, në kuadër të xhiros së nëntë të elitës së futbollit arab. 

Ronaldo e kaloi në epërsi Al-Nassrin në minutën e 14-të. Për Ronaldon ishte goli i 986 në karrierë. 

41-vjeçari Ronaldo pos golit humbi edhe penallti ndaj Al-Ahlit. 

Galeno, Ivan Toney dhe Ibanez i shënuan golat e fitores për Al-Ahlin. 

Ronaldo këtë edicion në 13 ndeshjet e zhvilluara në të gjitha garat ka kontribuar me dhjetë gola.