Të martën stadiumi “Santiago Bernabeu” do të jetë i mbushur me mbi 85 mijë tifozë për ta parë nga afër prezantimin e sulmuesit francez Kylian Mbappe. Kështu ka njoftuar të dielën klubi Real Madrid.
“Real Madridi ka kënaqësinë të njoftojë se Kylian Mbappe do të prezantohet në stadiumin ‘Santiago Bernabeu’ të martën më 16 korrik në mesditë”, ka shkruar gjiganti spanjoll. Presidenti i Real Madridit, Florentino Perez, do ta mirëpresë Kylian Mbappen për nënshkrimin zyrtar të kontratës. Ai do të nënshkruaj për pesë vjet.
Mbappe do të hyjë në stadium me fanellën e bardhë me numrin nëntë.
Numri 10 do të bartet edhe për një edicion nga mesfushori Luka Modriq.
