Futbollisti që ka dy paraqitje me Kosovën U21, Doni Arifi, ka kontribuuar me dy asistime të premten mbrëma për Ilvesin në kampionatin elitar të futbollit në Finlandë.
Ilvesi mposhti thellë Hakan, 5:0.
22-vjeçari Arifi asistoi në golin për 1:0 në minutën e 34-t, dhe më pas në minutën e 86-të, në golin e fundit në ndeshje.
Arifi në qendër të mesfushës e kompletoi ndeshjen te vendësit, kurse Arlind Sejdiu te mysafirët u inkuadrua nga minuta e 80-të.
Arifi e ka edhe një gol të shënuar në edicionin aktual.
Ilvesi pas shtatë ndeshjeve është i treti me 13 pikë, dy më pak se VPS-ja.
