Orkestra virtuale e Ilir Bajrit

Muzikanti Ilir Bajri, autodidakt në programim, ia ka vënë vetes një mision të veçantë.

Ai po e realizon projektin që ka për qëllim krijimin e një serie instrumentesh virtuale me të cilat mund të stimulohen tingujt e orkestrave simfonike, raporton KOHA.

Prezantimin e parë publik të këtij projekti, Bajri e bëri në kuadër të festivalit “DAM”.

Ai rrëfen sesi gjithçka ka nisur si një eksperiment por tash po merr formë më serioze.

Për finalizimin e këtij projekti Bajri ka marrë edhe përkrahjen e Komunës së Prishtinës.

Pas prezantimit të projektit nga Ilir Bajri në Kino “Armata”, u dha premiera kosovare e dokumentarit "Gratë kompozitore", një udhëtim në të kaluarën evropiane, një zbulim i thesareve të mëdha dhe grave mbresëlënëse në historinë e muzikës.