Përfaqësuesja e Zvicrës u stërvit të hënën për herë të parë në Stuttgart. Por pas seancës së parë stërvitore në Gjermani, fusha ishte pika kryesore e bisedës në konferencë për shtyp.
Pamja e terrenit në stadiumin “Waldau -Stadion” ishte një surprizë e keqe, shkruan “20 Minutën”.
“Cilësia e terrinit qartë që shihej se ishte e pamjaftueshme”, thotë drejtori i Zvicrës, Pierluigi Tami. Ai ka thënë se UEFA i kishte njoftuar se fusha nuk është në gjendje të mirë. Lojtarët po ashtu nuk janë ndarë të kënaqur. Edhe Adrian Arnlod, shefi i mediave i Federatës së Futbollit të Zvicrës thotë se lojtarët hasën në pengesa gjatë stërvitjes.
“Fusha ishte me gunga dhe kishte vështirësi për t’u kontrolluar topi”, tha Arnold. Zvicra është thënë në konferencë se do të kërkoj fushë alternative për të vijuar stërvitjet.
