Parlamenti Europian miratoi me 436 vota pro dhe 250 kundër, rezolutën e re për Shqipërinë të hartuar nga raportuesi Knut Fleckenstein.
Rezoluta e re përmban 45 pika, ku më thelbësoret janë zbatimi praktik i Reformës në Drejtësi dhe mbajtja e zgjedhjeve të lira më 18 qershor, transmeton tch.
Kryefjalë mbetet realizimi i shpejtë i “vetting”-ut, duke rivlerësuar të gjithë gjyqtarët dhe prokurorët aktualë shqiptarë. Nga institucionet europiane kërkohet zbatimi i plotë i ligjit të Dekriminalizimit, duke përjashtuar nga listat e kandidatëve për deputetë të inkriminuarit, kërkohet transparenca dhe auditi për financimin e partive politike.
Theksohet gjithashtu se dialogu mes mazhorancës dhe opozitës është thelbësor. Në referencë me zgjedhjet e ardhshme parlamentare, inkurajohen autoritetet shqiptare të marrin masa për të lehtësuar votimin e emigrantëve.
Institucionet europiane, ndonëse vlerësojnë operacionet e fundit të policisë, vënë në dukje se organet e saj dhe të prokurorisë kanë dështuar të identifikojnë grupet kriminale që qëndrojnë pas parcelave të drogës.
-
PE: Kosova të bëjë reforma për t’iu afruar BE-së, të hapë kapitull të ri bisedimesh me Serbinë
-
Kuvendi i Shqipërisë miraton rezolutën antikorrupsion
-
PE-ja miraton raportin për Shqipërinë, Santos: Koha për të avancuar në negociata
-
Raporti i KE për Shqipërinë: Të hapen negociatat, vendi ka shënuar rezultate të prekshme në reforma
-
PE kërkon me rezolutë hapjen e negociatave me Shqipërinë e Maqedoninë e Veriut