Parlamenti Europian miratoi me 436 vota pro dhe 250 kundër, rezolutën e re për Shqipërinë të hartuar nga raportuesi Knut Fleckenstein.
Rezoluta e re përmban 45 pika, ku më thelbësoret janë zbatimi praktik i Reformës në Drejtësi dhe mbajtja e zgjedhjeve të lira më 18 qershor, transmeton tch.
Kryefjalë mbetet realizimi i shpejtë i “vetting”-ut, duke rivlerësuar të gjithë gjyqtarët dhe prokurorët aktualë shqiptarë. Nga institucionet europiane kërkohet zbatimi i plotë i ligjit të Dekriminalizimit, duke përjashtuar nga listat e kandidatëve për deputetë të inkriminuarit, kërkohet transparenca dhe auditi për financimin e partive politike.
Theksohet gjithashtu se dialogu mes mazhorancës dhe opozitës është thelbësor. Në referencë me zgjedhjet e ardhshme parlamentare, inkurajohen autoritetet shqiptare të marrin masa për të lehtësuar votimin e emigrantëve.
Institucionet europiane, ndonëse vlerësojnë operacionet e fundit të policisë, vënë në dukje se organet e saj dhe të prokurorisë kanë dështuar të identifikojnë grupet kriminale që qëndrojnë pas parcelave të drogës.
-
Shqipëria nis përgatitjet për ta zëvendësuar lekun me euro
-
Shqipëria mbyll tre kapitujt e parë të negociatave me BE-në
-
Shqipëria mbyll sot tre kapitujt e parë të negociatave me BE-në
- Shqipëria e ka rrugën e gjatë, e Kosova të mbyllur drejt BE-së
-
Shqipëria nis fazë të re të integrimit në BE – mbyll kapitujt e parë negociues