Histori në Kupën e Botës shkroi edhe Egjipti. Për herë të parë kjo përfaqësuese shënoi fitore në Botëror e tashmë për herë të parë do të luajë në fazën nokaut.
Egjipti përfundoi i dyti në Grupin G me pesë pikë, sa i ka edhe Belgjika, që e fitoi grupin. Në xhiron e fundit, Egjipti luajti 1:1 me Iranin, të shtunën në mëngjes.
Mahmoud Saber e shënoi golin për Egjiptin në minutën e pestë. Për 1:1 realizoi Ramin Rezaeian në minutën e 14-të.
Irani ka barazuar në të tri ndeshjet dhe pret rastin të kualifikohet nga vendi i tretë.
Iranit iu anulua një gol i vonshëm, që do të ishte i fitores, për shkak të ofsajdit.
