Policia ka arrestuar një burrë nën dyshim për zjarrvënie në dy prona dhe një makinë që kanë lidhje me kryeministrin britanik, Keir Starmer.
Policia Metropolitane ka njoftuar se 21-vjeçari u arrestua me dyshimin për zjarrvënie të qëllimshme dhe se tani është në paraburgim.
Shërbimet e emergjencës iu përgjigjën një zjarri në shtëpinë private të kryeministrit në Kentish Town, në veri të Londrës, herët të hënën.
Të dielën, ekipet e ndihmës së shpejtë u thirrën për një zjarr të vogël në derën e përparme të një shtëpie në Islington, gjithashtu pronë e Starmerit.
Një person u shpëtua nga zjarrfikësit gjatë incidentit, njoftoi Brigada e Zjarrfikësve të Londrës.
Edhe
Starmeri vazhdon të këmbëngulë në vazhdimin e qeverisjes
Policia po heton gjithashtu një zjarr të vogël që ndodhi të enjten në një makinë, në të njëjtën rrugë me pronën e Kentish Town.
Policia kundër terrorizmit po udhëheq hetimin dhe po i trajton zjarret si të dyshimta.
Raportohet që Starmer është ende pronar i shtëpisë, por jeton në Downing Street.
Ai jetonte në shtëpi para zgjedhjeve të përgjithshme të vitit 2024 dhe që atëherë është dhënë me qira.
Edhe
Britania mban zgjedhje të cilat shihen si vendimtare për lidershipin e Starmerit
Të hënën, Starmer falënderoi shërbimet e emergjencës për punën e tyre.
Sekretarja e Brendshme, Yvette Cooper tha për BBC-në se ishte informuar mbi incidentet, por se nuk mund të komentonte më tej.
