Zelanda e Re regjistron shtim të rasteve me COVID-19

Zelanda e Re ka raportuar për 45 raste të reja lokale të infektimit me koronavirus gjatë së mërkurës, shifër kjo më e larta në pothuajse një muaj.

Shtimi është evidentuar teksa përhapja e virusit ka filluar të rritet në Auckland.

Qyteti vazhdon të jetë në izolim, ndonëse zyrtarët kanë zbutur disa kufizime që prej fillimit të përhapjes, muajin e shkuar.

Drejtori i përgjithshëm për shëndetësi në Zelandën e Re, Ashley Bloomfield ka nxitur njerëzit që t’u përmbahen kufizimeve, ndërsa ka inkurajuar bizneset që t’i “mbështesin aktivisht” nëpunësit e pavaksinuar për t’i marrë vaksinat, siç ka thënë, “qysh sot”.

Zyrtarët kanë bërë të ditur se rastet e reja janë përhapur në mesin e personave të pastrehë që jetojnë nëpër strehimore të përkohshme.

Në gjithë Zelandën, deri tani rreth 64 për qind e banorëve kanë marrë të paktën njërën dozë të vaksinave kundër COVID-19.