Zyrtarë të Shtëpisë së Bardhë i kanë thënë atyre në Ukrainë që të mos e shajnë presidentin Donald Trump dhe ta nënshkruajnë marrëveshjen për mineralet e rralla me SHBA-në, duke shtuar se një dështim në këtë do të ishte i papranueshëm.
Këshilltari i Sigurisë Kombëtare të SHBA-së, Mike Waltz, ka thënë se presidenti ukrainas, Volodymyr Zelensky, duhet t’i “ulë” kritikat për SHBA-në dhe të shikojë marrëveshjen. Marrëveshja propozon që t’i japë Washingtonit minerale në vlerë 500 miliardë dollarë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoWaltz ka theksuar se Kievi bëri gabim me qasjen ndaj SHBA-së për bisedimet e paqes me Moskën, duke pasur parasysh gjithçka që SHBA-ja ka bërë për Ukrainën.
“Retorika që vjen nga Kievi... dhe fyerjet për presidentin Trump ishin të papranueshme”, ka thënë ai.
“Presidenti Trump tani është qartë shumë i frustruar me presidentin Zelensky, fakti që ai nuk ka ardhur në tavolinë, që ai nuk nuk është treguar i gatshëm ta marrë këtë mundësi që ia kemi ofruar”.
Të mërkurën, Trumpi e quajti Zelenskyn “diktator” për refuzimin e mbajtjes së zgjedhjeve dhe e fajësoi Ukrainën për luftën. Zelensky tha se Trumpi po jetonte në një “flluskë dezinformomi” të KRemlinit dhe se uronte që ekipi i Trumpit të ishte “më i sinqertë”.