Organizata bamirëse amerikane, World Central Kitchen, ka njoftuar se të paktën shtatë anëtarë të saj janë vrarë në Gaza nga sulmi i Izraelit, raportoi TheGuardian.
Organizata njoftoi se anëtarët e saj ishin nga Australia, Polonia, Britania e Madhe, një person me dy shtetësi, një nga Kanadaja dhe një nga Palestina.
Kreu i WCK-së, Erin Gore, ka thënë se ky s'është sulm vetëm ndaj organizatës, “por edhe ndaj organizatave humanitare që shfaqen në situatat më të rënda ku ushqimi përdoret si armë lufte”.
Forcat e Izraelit kanë thënë se po e shqyrtojnë rastin.
Kryeministri australian kërkon përgjegjësi për sulmin në Gaza
Edhe
Vriten dy punonjës të ndihmave nga sulmet izraelite në Gaza
Kryeministri i Australisë, Anthony Albanese, e ka përshkruar vdekjen e një punonjësi australian, anëtar i organizatës bamirëse amerikane “World Central Kitchen” si tragjedi që nuk duhet të kishte ndodhur kurrë.
44-vjeçari, Zomi Frankcom nga Melburni ishte një nga 7 punonjësit ndërkombëtarë të organizatës bamirëse “World Central Kitchen” që u vranë të hënën në Gaza nga një sulm izraelit, raporton AP.
Duke folur për mediat lokale nga Redbank të martën, Albanese ka thënë se australianët duan ta shohin fundin e luftës sa më shpejt.
“Australianët duan të shohin një zgjidhje paqësore, afatgjatë, politike, që do të thotë drejtësi për palestinezët dhe një shtet palestinez, si dhe të drejtën e Izraelit për të ekzistuar brenda kufijve të sigurt”, ka deklaruar kryeministri australian.
Ai ka njoftuar se Departamenti i Punëve të Jashtme dhe Tregtisë ka kërkuar të bisedojë me ambasadorin izraelit në Australi.
Edhe
Izraelit i kërkohet ta publikojë të plotë hetimin për vrasjen e shtatë punonjësve humanitarë
“Ne duam përgjegjësi të plotë për këtë sepse kjo është një tragjedi që nuk duhet të kishte ndodhur kurrë”, ka shtuar Albanese.
LEXO EDHE:
