Protestat kundër pushtimit rus të Ukrainës kanë vazhduar në disa qytete ruse të dielën.
Protestuesit kanë dal në rrugë në qytetet si Vladivostok e Irkutsk, ku disa prej tyre kanë mbajtur pano anti-luftë, ndërsa kanë shprehur ndjenjat e tyre për konfliktin, raporton agjencia AP.
Policia po ashtu është parë në protesta, duke arrestuar disa protestues.
“Është një krim si kundër Ukrainës ashtu edhe kundër Rusisë”, ka thënë Olga Mikheeva, një protestuese në Irkutsk. “Nuk kam fjetur për tri netë, dhe mendoj se tash duhet të shprehim shumë zëshëm se nuk duam të vritemi dhe nuk duam që të vritet Ukraina”.
Numri i të vdekurve nga konflikti më i madh në Evropë që nga Lufta e Dytë Botërore mbetet i paqartë.
Është raportuar për mbi 210 civilë ukrainas të vdekur e mbi 1100 të lënduar. Ndërsa nga autoritetet ukrainase është njoftuar se mbi 4300 ushtarë rusë kanë humbur jetën në luftë.
-
“Ata janë të izoluar… janë vetëm” - Zelensky flet për Rusinë dhe gënjeshtrat e Putinit
-
Inteligjenca britanike thotë se gati 500 mijë ushtarë rusë janë vrarë në luftën në Ukrainë
-
Si ishin ditët e para të luftës në Ukrainë?
-
Katër vjet luftë, Ukraina e lodhur por e vendosur
-
Rusia ofron para, liron të burgosur dhe josh të huaj për t’i plotësuar trupat e veta në Ukrainë