Ministri rus i Mbrojtjes, Sergei Shoigu, ka urdhëruar ushtrinë që t’i shtojë operacionet në Ukrainë, në përpjekje për ta marrë kontrollin e plotë të rajonit lindor të Donetskut, raportoi AP-ja të hënën.
Shoigu tha se operacionet duhet intensifikuar edhe me qëllim që sipas tij, “të parandalohen sulmet ukrainase mbi infrastrukturë civile e te banorët në Donbas e gjetkë”.
Ai tha se brenda dy ditëve të fundit u vranë 600 ushtarë ukrainas, pas sulmeve ajrore mbi Siversk.
Ushtria ruse besohet se është fokusuar në riorganizimin e forcave në përgatitje për ofensivën tjetër tokësore në shkallë të plotë. Kjo vjen pas deklaratës së saj më 3 korrik, se ka marrë kontrollin e plotë të rajonit lindor të Luhanskut.
Instituti Amerikan për Studimin e Luftës tha se forcat ruse synojnë t’i japin fund “pauzës” operacionale.
Trupat ukrainase kanë shtuar presionin në vijën mbrojtëse ruse në rajonin jugor të Khersonit tash e një muaj.
-
Rusia nis ofensivë në rajonin e Kharkivit
-
Ukraina thotë se po lufton në Donbas, duke i shkaktuar Rusisë viktima të konsiderueshme
-
Putini urdhëron ushtrinë të vazhdojë edhe më tej ofensivën në Ukrainë
-
Rusia pretendon se ka rrethuar deri në 2.000 ushtarë ukrainas në Donbas
-
Luftimet në lindje të Ukrainës do të intensifikohen gjatë 2-3 javëve të ardhshme