Luftimet në lindje të Ukrainës do të intensifikohen gjatë 2-3 javëve të ardhshme

Luftimet në Ukrainën Lindore do të intensifikohen gjatë dy-tri javëvë të ardhshme, pasi Rusia vazhdon të ripërqendrojë përpjekjet e saj atje, ka thënë të martën Ministria e Mbrojtjes e Ukrainës, raportoi Sky News.

Ministria ka bërë të ditur gjithashtu se sulmet ruse mbeten të përqendruara në pozicionet ukrainase pranë Donetskut dhe Luhanskut.

Raporti thotë se forcat ruse vazhdojnë të tërhiqen nga Bjellorusia në mënyrë që të ridislokohen në mbështetje të operacioneve në Ukrainën Lindore.

Ndërkohë, të hënën një zyrtar amerikan i mbrojtjes ka thënë se kishte indikacione se forcat ruse po rifurnizonin dhe përforconin trupat në rajonin e Donbasit.

Zyrtari i lartë, identiteti i të cilit nuk është zbuluar, ka shtuar se Rusia duket se po përforcon pozicionet në veriperëndim të Donetskut.

Donetsku dhe Luhansku janë pjesë e rajonit të Donbasit.

Edhe Botë 12 nën 2023 Rusia intensifikon sulmet në lindje të Ukrainës