-
Përktheu:
Flutura Gashi-Mehmeti
- 2 qershor 2025 17:06
- Shpërndaje në:
Ukraina ka propozuar të mbajë një rund të ardhshëm bisedimesh me Rusinë para fundit të qershorit.
"Ne i propozojmë palës ruse të mbajë një takim deri në fund të këtij muaji, nga 20 deri më 30 qershor", ka thënë ministri ukrainas i mbrojtjes, Rustem Umerov pas bisedimeve të së hënës në Stamboll.
Ai ka shtuar se delegacionet duhet të përpiqen të bien dakord për një takim midis Volodymyr Zelenskyt dhe Vladimir Putinit.
Zelensky muajin e kaluar e ka sfiduar Putinin të takohej personalisht me të në Stamboll, pasi presidenti rus hodhi poshtë një kërkesë nga Ukraina dhe aleatët evropianë për të nënshkruar një armëpushim 30-ditor.
Putin nuk është paraqitur. Delegacioni i Rusisë kryesohej nga ndihmësi presidencial, Vladimir Medinsky, i cili udhëhoqi bisedimet e sotme për Moskën.
