Partitë opozitare greke Demokracia e Re dhe Koalicioni për Demokraci vazhdojnë kundërshtimet e tyre ndaj propozimit për emrin ‘Republika e Maqedonisë së Ilindenit”. Sipas tyre ky propozim është simboli i irredentizmit.
Liderët e këtyre dy partive, Kirjakos Micotakis dhe Fofi Genimata gjatë debatit në parlamentin grek kushtuar ekonomisë, drejtuan akuza të ashpra qeverisë së Tziprasit.
Micotakis kërkoi nga Tzipras që të deklarohet se pranon apo refuzon propozimin Maqedonia e Ilindenit.
“Supozoj se kjo çështje është akoma në tryezën e bisedimeve. Supozoj se për këtë arsye ju kontaktuan Pens dhe Merkel. Po krijoni përshtypje se bëhet fjalë për diçka që tashmë jeni dakorduar dhe tani nga e para po mendoni për të njëjtën”, u shpreh Micotakis.
Kryetarja e Koalicionit për Demokraci Fofi Genimata kërkoi zgjedhje për ruajtjen e interesave kombëtare greke pasi sipas saj qeveria aktuale është e rrezikshme.
Edhe Me dinamit kundër demokracisë“Në një moment të favorshëm për çështjen e Shkupit, qeveria arriti të bisedojë për irredentizmin si zgjidhje, dhe kjo flet për madhësinë e problemit”, tha Genimata.
Në përgjigjen e tij kryeministri i Greqisë Aleksis Tzipras u shpreh se Greqia po negocion duke u bazuar në katër propozimet nga OKB, konkretisht pakoja e propozimeve të ndërmjetësit Mettewu Nimitz, duke hedhur poshtë kështu propozimin që bëri bujë ‘Republika e Maqedonisë së Ilindenit’.
