Turqia dënon sulmet ukrainase ndaj dy cisternave ruse të naftës në Detin e Zi

Qeveria turke ka dënuar sulmet me dronë ukrainasë ndaj dy cisternave naftëmbajtëse ruse të "flotës në hije" në Detin e Zi.

Zëdhënësi i Ministrisë së Jashtme, Oncu Keceli, ka thënë se sulmet ndaj anijeve Kairos dhe Virat ndodhën brenda zonës ekskluzive ekonomike të Turqisë dhe "kanë paraqitur rreziqe serioze për lundrimin, jetën, pronën dhe sigurinë mjedisore në rajon".

Në një postim në mediat sociale të shtunën vonë, Keceli ka thënë se Turqia po zhvillon bisedime me "palët përkatëse" për të parandaluar përhapjen e luftës së Ukrainës në të gjithë Detin e Zi , dhe po ashtu për të mbrojtur interesat ekonomike të Turqisë.

Ukraina ka thënë se përdori dronë detarë për të goditur cisternat pranë brigjeve të Detit të Zi të Turqisë të premten vonë. 

Baza e të dhënave OpenSanctions, e cila gjurmon njerëzit ose organizatat e përfshira në shmangien e sanksioneve, i përshkruan anijet si pjesë të një flote anijesh të përdorura për të shmangur sanksionet e vendosura ndaj Rusisë pas pushtimit të Ukrainës në vitin 2022.
Ukraina ka kryer sulme të suksesshme detare kundër anijeve ruse gjatë luftës, veçanërisht duke përdorur dronë detarë të mbushur me eksplozivë. 

Megjithatë, misionet ukrainase më parë kanë qenë kryesisht të kufizuara në ujërat veropre të Detit të Zi.