Një gjykatë turke të hënën urdhëroi ndalimin e një ish-ligjvënësi të opozitës, disa orë pasi një gjykatë më e ulët e liroi me kusht, ndërsa po gjykohet për akuza të terrorizmit, tha agjencia shtetërore e lajmeve Anadolu.
Eren Erdem, i cili humbi vendin e tij në zgjedhjet e vitit 2018, që i dha presidentit Tayyip Erdogan pushtet të ri dhe më të gjerë, është burgosur që nga qershori dhe akuzohet për botimin e përgjimeve të paligjshme, ndërsa ishte redaktor i një gazete të opozitës në 2014.
Vetë ai mohon akuzat se ka ndihmuar pasuesit e klerit amerikan Fethullah Gulen, i cili akuzohet për orkestrimin e një grushti shteti të dështuar gjatë vitit 2016.
Prokurorët kërkuan dënimin deri në 19 vjet për Erdem, mbi “anëtarësimin e një organizate të armatosur” dhe ndihmën ndaj terroristëve, tha Anadolu. Megjithatë, gjykata vendosi të hënën se ai duhet të lirohet me kusht.
Orë më vonë, një gjykatë më e lartë e përmbysi vendimin për lirimin, pas një apeli nga prokuroria e Stambollit, për arsye se Erdem mund të largohej nga Turqia, për t’iu shmangur një dënimi të mundshëm.
-
Policia turke arreston 13 opozitarë që zgjodhën udhëheqësin e rrëzuar
-
157 të arrestuar në Izmir, përfshirë anëtarë të opozitës
-
Tjetër valë arrestimesh në Turqi, sërish goditet opozita
-
Autoritetet turke urdhërojnë arrestimin e dhjetëra anëtarëve të opozitës
-
Erdogani nis udhëzimet për kushtetutë të re, shtohet frika për zgjatje të pushtetit të tij