Ish-presidenti amerikan, Donald Trump, la të kuptohet se do t’i kthehet garës për postin presidencial në vitin 2024 duke thënë se "ndoshta do t'i duhet ta bëjë përsëri".
Trumpi e bëri komentin gjatë fjalimit në një tubim në Teksas.
Ai ende nuk e ka pranuar humbjen në zgjedhjet presidenciale amerikane të vitit 2020 ndaj rivalit të tij demokrat, Joe Biden.
Komentet e Trumpit erdhën një ditë pasi Komiteti i Përzgjedhur i Dhomës së Përfaqësuesve i lëshoi një thirrje ish-presidentit për përfshirjen e tij të supozuar në trazirat e Capitol Hill.