Kanë vazhduar për të dytën ditë radhazi sulmet nga Izraeli ndaj Iranit, teksa Irani është hakmarrë duke sulmuar bazat amerikane rreth Gjirit Arab si dhe kryeqytetin saudit Riad dhe qendrën globale të biznesit Dubai. Irani ka konfirmuar të dielën vrasjen e liderit të tij suprem, Ayatollah Ali Khamenei dhe ka kërcënuar me hakmarrje, mirëpo presidenti amerikan Donald Trump, ka paralajmëruar se nëse kjo ndodh, SHBA-ja do të përgjigjet me forcë të paparë.
Irani ka konfirmuar të dielën vdekjen e liderit të tij suprem, Ayatollah Ali Khamenei, nga sulmet amerikano-izraelite, teksa ka kërcënuar me hakmarrje të rëndë.
Një nga prezantuesit e mediave shtetërore në Iran, lajmin për vrasjen e Khameneit e ka dhënë duke qarë në një transmetim të drejtpërdrejtë, teksa po lexonte deklaratën zyrtare të Këshillit të Sigurisë Kombëtare.
E presidenti amerikan, Donald Trump, ka paralajmëruar Iranin kundër përshkallëzimit të mëtejmë, duke deklaruar se nëse kjo ndodh, atëherë SHBA-ja do të përgjigjet me forcën që nuk është parë kurrë.
“Irani sapo tha se do të godasë shumë fort sot, më fort se asnjëherë më parë. Ata më mirë të mos e bëjnë këtë, sepse nëse e bëjnë, ne do t’i godasim me një forcë që nuk është parë kurrë më parë!”.
Për “Fox News” të dielën Trump tha se 48 zyrtarë të lartë iranianë, përfshirë liderin suprem Ayetollah Ali Khamenei, u vranë në sulmin e koordinuar mes Izraelit dhe SHBA-së ndaj Iranit të shtunën.
“Po shkon përpara me shpejtësi. Askush s’mund ta besojë suksesin që po kemi. 48 udhëheqës janë zhdukur menjëherë. Po shkon me shpejtësi”, tha ai.
Izraeli ka kryer të dielën një valë të re sulmesh “në zemër të Teheranit,” ndërsa Irani është hakmarrë gjatë ditës së dielës duke lëshuar raketa dhe dronë në Izrael dhe në instalimet ushtarake amerikane rreth Gjirit Arab, si dhe në kryeqytetin saudit Riad dhe qendrën globale të biznesit, Dubain, duke shkaktuar dhjetëra viktima gjithandej.
Tre ushtarë amerikanë kanë vdekur deri më tani nga sulmet teksa pesë të tjera raportohet se kanë pësuar lëndime të rënda.
E ministri izraelit i Mbrojtjes, Israel Katz, ka thënë të dielën se operacioni ushtarak kundër Iranit “do të vazhdojë për aq kohë sa të jetë e nevojshme”.
Katz e ka përshkruar vdekjen e Khameneit si “eliminimin e persekutorit më të madh të popullit hebre të kësaj epoke”.
“Unë besoj se eliminimi i djeshëm i persekutorit më të madh të popullit hebre të kësaj epoke, Khamenei, është jashtëzakonisht domethënës. Ai ishte ai që udhëhoqi fushatën e shkatërrimit kundër Shtetit të Izraelit, ai ndërtoi të gjithë boshtin e së keqes rreth nesh dhe brenda vetë Iranit ai udhëhoqi një linjë të pakompromis kundër Shtetit të Izraelit”.
Këshilli tranzitor
Zyrtarët iranianë kanë formuar të dielën një këshill tranzitor për të udhëhequr vendin pas vrasjes së liderit suprem, Ali Khamenei, gjatë sulmeve të përbashkëta SHBA–Izrael.
Ministri i Jashtëm iranian, Abbas Araghchi, ka deklaruar se brenda një ose dy ditësh do të zgjidhet edhe pasardhësi i Khameneit.
Duke folur për Al Jazeera, ai ka thënë se institucionet shtetërore në Iran po funksionojnë dhe se vendi “ka procedura kushtetuese në fuqi”, teksa ka shtuar se rruga e Khameneit do të vazhdojë.
Përveç Khameneit, një numër figurash të larta në Iran janë vrarë nga sulmet dyditore, mes tyre shefi i shtabit të forcave të armatosura të vendit, Abdolrahim Mousavi, komandanti i Gardës Revolucionare, Gjeneral Mohammad Pakpour e po ashtu ish-presidenti iranian, Mahmoud Ahmadinejad.
Presidenti Donald Trump ka thënë në një intervistë të dielën se 48 udhëheqës iranianë janë vrarë gjatë sulmeve të vazhdueshme të SHBA-së dhe Izraelit ndaj Iranit.
"Po ecën përpara me shpejtësi. Askush nuk mund ta besojë suksesin që po kemi, 48 udhëheqës janë zhdukur menjëherë”, ka thënë Trumpi për Fox News.
CNN-i ka raportuar të dielën se agjencitë e inteligjencës izraelite dhe amerikane, përfshirë CIA-n, e kishin vëzhguar Khamenein për muaj të tërë, duke monitoruar modelet e tij të përditshme dhe duke mbajtur nën vëzhgim udhëheqësit e lartë politikë dhe ushtarakë të vendit, duke pritur momentin e duhur.
Gjatë disa ditëve të fundit, dolën plane që Khameini dhe disa zyrtarë të tjerë të lartë të administratës të takoheshin të shtunën në mëngjes në vende të ndara në një kompleks në Teheran që është shtëpia e zyrave të ajatollahut, presidencës iraniane dhe aparatit të sigurisë kombëtare, duke e lënë udhëheqjen të prekshme ndaj një sulmi ushtarak.
Presidenti rus, Vladimir Putin, ka shprehur ngushëllimet e tij për vrasjen e Khameneit, ka raportuar agjencia shtetërore ruse e lajmeve TASS.
Ai e ka përshkruar vdekjen e Khameneit si një "vrasje cinike që shkeli të gjitha normat e moralit njerëzor dhe të drejtën ndërkombëtare".
Netanyahu paralajmëron intensifikim të sulmeve
Kryeministri i Izraelit, Benjamin Netanyahu, ka thënë të dielën se sulmet ndaj Iranit do të intensifikohen në ditët në vijim.
“Forcat tona aktualisht po godasin zemrën e Teheranit me një intensitet në rritje, që do të vazhdon të rritet më tej në ditët në vijim”, ka thënë Netanyahu në një video të postuar nga kompleksi i ministrisë së Mbrojtjes së Izraelit në Tel Aviv.
Ai e ka pranuar se do të jenë “ditë të dhimbshme”, duke iu referuar goditjeve iraniane ndaj Izraelit në Tel Aviv dhe Bet Shemesh në 24 orët e fundit, ku kanë humbur jetën të paktën 10 persona.
Ai po ashtu ka përgëzuar presidentin e SHBA-së, Donald Trump, dhe ka vlerësuar lartë bashkëpunimin me ushtrinë amerikane.
Trumpi: Liderët e rinj iranianë po duan të bisedojnë
E presidenti i Shteteve të Bashkuara të Amerikës, Donald Trump, në një intervistë për “The Atlantic” ka thënë se udhëheqja e re e Iranit dëshiron të flasë me të dhe se ai ka rënë dakord.
“Ata duan të flasin, dhe unë jam pajtuar të flas, kështu që do të flas me ta. Ata duhet ta kishin bërë më shpejt. Ata duhet të kishin bërë atë që ishte shumë praktike dhe e lehtë. Ata pritën shumë gjatë”, tha Trump.
Trump tha se disa nga iranianët e përfshirë në negociatat e mëhershme indirekte që u mbajtën, nuk janë më gjallë.
“Shumica e atyre njerëzve janë zhdukur. Disa nga njerëzit me të cilin po merreshim janë zhdukur, sepse ishte goditje e madhe”, tha Trump.
Për “Fox News” të dielën Trump tha se 48 zyrtarë të lartë iranianë, përfshirë liderin suprem Ayetollah Ali Khamenei, u vranë në sulmin e koordinuar mes Izraelit dhe SHBA-së ndaj Iranit të shtunën.
“Po shkon përpara me shpejtësi. Askush s’mund ta besojë suksesin që po kemi. 48 udhëheqës janë zhdukur menjëherë. Po shkon me shpejtësi”, tha ai.
Po ashtu Trump tha për “CNBC” se operacionet ushtarake amerikane po ecin me ritëm të shpejtë.
E në një postim në “Truth Social” ka shkruar se trupat amerikane kanë shkatërruar nëntë anije të marinës iraniane dhe kanë shkatërruar pjesën më të madhe të selisë detare të Iranit.
“Sapo jam informuar se kemi shkatërruar dhe fundosur nëntë anije iraniane, disa prej të cilave relativisht të mëdha dhe të rëndësishme. Ne jemi duke shkuar për pjesën tjetër. Së shpejti do të gjenden në fund të detit gjithashtu! Në një sulm tjetër, shkatërruam pjesën më të madhe të selisë së tyre detare”.
Të paktën 22 të vrarë në protestën pro-Iranit në Karachi
Të paktën 22 persona janë vrarë pranë Konsullatës së Shteteve të Bashkuara në qytetin pakistanez Karachi, pasi shpërthyen protesta pas vrasjes së Khameneit, ka bërë të ditur agjencia “AP”. Po ashtu janë plagosur 150 tjerë.
Disa persona të tjerë janë plagosur kur forcat e sigurisë hapën zjarr për të shpërndarë qindra protestues pro-iranianë që po përpiqeshin të hynin me forcë në Konsullatë herët të dielën në mëngjes.
Mjekja kujdestare Dr. Summaiya Syed, ka thënë për Al Jazeera se të paktën nëntë trupa u dërguan në spitalin civil të Karaçit.
Protesta të mëdha shpërthyen edhe në pjesë të tjera të Pakistanit. Protestuesit i vunë flakën një zyreje të Kombeve të Bashkuara në qytetin verior Skardu, në rajonin Gilgit-Baltistan, i njohur për majat e Himalajeve.
Në qytetin qendror Lahore, qindra protestues u mblodhën para konsullatës amerikane, por nuk pati raportime për dhunë. Një dëshmitar, Aqeel Raza, ka thwnw për Reuters se disa protestues tentuan të dëmtonin portën e sigurisë, por policia i ndaloi pa përdorur forcë.
Kaos në fluturime
Ndërprerjet e udhëtimeve drejt dhe nga Lindja e Mesme vazhduan edhe të dielën, pasi linjat ajrore anuluan fluturime përmes qendrave kryesore rajonale që janë bërë objekt i kundërpërgjigjeve iraniane për shkak të pranisë së bazave ushtarake amerikane.
Kompania ajrore e Gjirit, Etihad Airways ka njoftuar se operacionet e saj mbeten të prekura, me fluturime të pezulluara drejt dhe nga Abu Dhabi deri më 2 mars, për shkak të mbylljeve të hapësirës ajrore në rajon. Emiratet e Bashkuara Arabe kanë zbatuar të shtunën një mbyllje të pjesshme të hapësirës ajrore.
Qatar Airways ka bërë të ditur se operacionet e saj mbeten përkohësisht të pezulluara për shkak të mbylljes së hapësirës ajrore të Katar, duke shtuar se një përditësim i ri do të jepet të hënën.
Mes linjave të tjera që kanë anuluar fluturime janë Lufthansa, Air France, British Airways, Air India dhe Turkish Airlines.
Fluturimet drejt dhe nga Dubai, një destinacion i njohur turistik, aktualisht nuk po operojnë pasi aeroportet e Dubait pezulluan operacionet në aeroportet kryesore. Pamje të publikuara të shtunën treguan pasagjerë duke u larguar me nxitim nga korridore të mbushura me tym në Dubai International Airport (DXB), aeroporti më i ngarkuar në botë për trafikun ndërkombëtar të pasagjerëve, pas një sulmi të raportuar iranian.
Në tërësi, Irani, Iraku, Kuvajti, Izraeli, Bahreini dhe Katari kanë mbyllur hapësirat e tyre ajrore, ndërsa vende fqinje kanë vendosur kufizime.
Mbyllja e hapësirës ajrore të Iranit është zgjatur të paktën deri më 3 mars, me mundësi shtyrjeje të mëtejshme, sipas një njoftimi të ri, ka raportuar FlightRadar24.
Sipas faqes së monitorimit FlightAware, deri në orën 6:00 të mëngjesit sipas kohës lokale të dielën, 7,716 fluturime ishin vonuar dhe 2,280 ishin anuluar në nivel global.
Goditet një cisternë nafte në brigjet e Omanit
Një cisternë nafte është goditur në brigjet e Omanit, duke lënë të plagosur katër persona, raportojnë mediat shtetërore.
Qendra për Sigurinë Detare në Oman bëri të ditur se cisterna e quajtur “Skylight”, me flamur të Palaut, u sulmua rreth pesë milje nga porti i Khasabit, në veri të vendit.
Katër anëtarë të ekuipazhit u plagosën, por të gjithë u evakuuan në mënyrë të sigurt, njoftoi Agjencia e Lajmeve e Omanit. Ekuipazhi përbëhej nga 15 shtetas indianë dhe pesë shtetas iranianë.
Ndërkohë, Operacionet e Tregtisë Detare të Mbretërisë së Bashkuar (UKMTO) thanë se autoritetet po hetojnë aktivitete të dyshimta në veri të Omanit.
Agjencia shtetërore raportoi gjithashtu se porti tregtar i Duqmit u shënjestrua nga dy dronë. Një punëtor u plagos pasi një dron goditi një njësi banimi të lëvizshme, ndërsa mbetjet e dronit të dytë ranë pranë depozitave të karburantit, citohet një burim i sigurisë.
Kaos në Lindjen e Mesme teksa shumë linja ajrore mbyllin shërbimet
Photo: Associated Press
Ndërprerjet e udhëtimeve drejt dhe nga Lindja e Mesme vazhduan edhe të dielën, pasi linjat ajrore anuluan fluturime përmes qendrave kryesore rajonale që janë bërë objekt i kundërpërgjigjeve iraniane për shkak të pranisë së bazave ushtarake amerikane.
Kompania ajrore e Gjirit Etihad Airways ka njoftuar se operacionet e saj mbeten të prekura, me fluturime të pezulluara drejt dhe nga Abu Dhabi deri më 2 mars, për shkak të mbylljeve të hapësirës ajrore në rajon. Emiratet e Bashkuara Arabe kanë zbatuar të shtunën një mbyllje të pjesshme të hapësirës ajrore.
Qatar Airëays ka bërë të ditur se operacionet e saj mbeten përkohësisht të pezulluara për shkak të mbylljes së hapësirës ajrore të Katar, duke shtuar se një përditësim i ri do të jepet të hënën.
Mes linjave të tjera që kanë anuluar fluturime janë Lufthansa, Air France, British Airëays, Air India dhe Turkish Airlines.
Lufthansa ka njoftuar pezullimin e fluturimeve drejt Tel Aviv, Bejrut, Amman, Erbil dhe Teheran deri më 7 mars, duke përmendur situatën aktuale në Lindjen e Mesme.
Fluturimet drejt dhe nga Dubai, një destinacion i njohur turistik, aktualisht nuk po operojnë pasi aeroportet e Dubait pezulluan operacionet në aeroportet kryesore. Pamje të publikuara të shtunën treguan pasagjerë duke u larguar me nxitim nga korridore të mbushura me tym në Dubai International Airport (DXB), aeroporti më i ngarkuar në botë për trafikun ndërkombëtar të pasagjerëve, pas një sulmi të raportuar iranian.
Në tërësi, Irani, Iraku, Kuvajti, Izraeli, Bahreini dhe Katari kanë mbyllur hapësirat e tyre ajrore, ndërsa vende fqinje kanë vendosur kufizime. Të dhënat në kohë reale nga FlightRadar24 tregojnë se linjat ajrore janë detyruar të devijojnë ose anulojnë shërbime.
Mbyllja e hapësirës ajrore të Iranit është zgjatur të paktën deri më 3 mars, me mundësi shtyrjeje të mëtejshme, sipas një njoftimi të ri, ka raportuar FlightRadar24.
Sipas faqes së monitorimit FlightAware, deri në orën 6:00 të mëngjesit sipas kohës lokale të dielën, 7,716 fluturime ishin vonuar dhe 2,280 ishin anuluar në nivel global.
Teherani nën sulmet izraelite, Irani hakmerret pas vrasjes së liderit suprem
Një shpërthim i fuqishëm tronditi kryeqytetin e Iranit të dielën, teksa ushtria izraelite deklaroi se po godiste zemrën e qytetit. Më herët, Irani lëshoi raketa drejt një liste gjithnjë e më të gjerë objektivash në Izrael dhe në shtetet arabe të Gjirit, në shenjë hakmarrjeje për vrasjen e Udhëheqësit Suprem, Ajatollah Ali Khamenei, nga Shtetet e Bashkuara dhe Izraeli.
Shpërthimi në Teheran. objektivi i të cilit nuk ishte menjëherë i qartë, ngriti një re të madhe tymi në qiell dhe tronditi tokën. Ai dukej se ishte përqendruar në lagje ku ndodhen selia qendrore e policisë së vendit dhe televizioni shtetëror iranian, si dhe Gjykata Revolucionare e Teheranit dhe një ndërtesë e Ministrisë së Mbrojtjes.
Sulmet e përbashkëta të së shtunës nga SHBA-ja dhe Izraeli ndaj Iranit hapën një kapitull të ri befasues në ndërhyrjen amerikane, duke shtuar rrezikun e dhunës hakmarrëse dhe të një lufte më të gjerë. Ato përbëjnë një shfaqje të fortë të fuqisë ushtarake nga një president amerikan që erdhi në pushtet me platformën “America First” dhe premtoi të shmangte përfshirjen në “luftëra të pafundme”. Kjo është hera e dytë brenda tetë muajsh që administrata Trump përdor forcë ushtarake kundër Republikës Islamike.
Gjatë një lufte 12-ditore në qershor, goditjet izraelite dhe amerikane dobësuan ndjeshëm mbrojtjen ajrore të Iranit, udhëheqjen ushtarake dhe programin bërthamor. Por vrasja e Khameneit dhe thirrja e presidentit amerikan Donald Trump drejtuar popullit iranian për të përmbysur qeverinë e tij e rrisin ndjeshëm tensionin, duke krijuar një vakum udhëheqjeje në Republikën Islamike dhe duke shtuar rrezikun e destabilitetit rajonal.
Kabineti i Iranit u zotua se ky “krim i madh nuk do të mbetet pa përgjigje”, ndërsa Garda Revolucionare paralajmëroi se do të godasë baza izraelite dhe amerikane.
“E keni kaluar vijën tonë të kuqe dhe duhet ta paguani çmimin”, tha kryetari i Parlamentit të Iranit, Mohammad Bagher Qalibaf, në një fjalim të transmetuar të dielën. “Do t’ju godasim aq rëndë, sa do të detyroheni vetë të kërkoni mëshirë.”
Trump paralajmëroi se çdo hakmarrje do të çonte vetëm në përshkallëzim të mëtejshëm.
“Më mirë të mos e bëjnë këtë”, reagoi Trump në një postim në rrjetet sociale. “Nëse e bëjnë, do t’i godasim me një fuqi që nuk është parë kurrë më parë!”
Në një shenjë se sulmi mund të përhapë paqëndrueshmëri në të gjithë rajonin, qindra persona sulmuan të dielën Konsullatën e SHBA-së në qytetin portual Karachi të Pakistanit. Policia dhe forcat paraushtarake përdorën shkopinj gome dhe gaz lotsjellës për të shpërndarë turmën, ndërsa të paktën gjashtë persona humbën jetën në përplasjet, sipas autoriteteve.
Putini i shpreh ngushëllime Iranit për “vrasjen cinike” të Khameneit
Photo: Associated Press
Presidenti rus, Vladimir Putin, ka shprehur ngushëllimet e tij për vrasjen e udhëheqësit Suprem të Iranit Ali Khamenei, raporton agjencia shtetërore ruse e lajmeve TASS.
Ai e ka përshkruar vdekjen e Khameneit si një "vrasje cinike që shkeli të gjitha normat e moralit njerëzor dhe të drejtën ndërkombëtare".
Vrasjen e Khameneit e ka konfirmuar të dielën edhe Irani, një ditë pasi presidenti amerikan, Donald Trump, e kishte shpallur të vdekur.
Izraeli: 40 zyrtarë të lartë ushtarakë iranianë u vranë në sulmet e fundit
Foto: Ilustrim
Photo: Associated Press
Ushtria izraelite ka thënë të dielën se sulmet e saj kanë vrarë 40 zyrtarë të lartë ushtarakë iranianë, përfshirë shefin e Shtabit të Forcave të Armatosura, Abdolrahim Mousavi. As Irani, as SHBA-ja nuk e kanë komentuar deklaratën.
Deklarata vjen pas njoftimit të presidentit amerikan, Donald Trump, të shtunën se sulmi i përbashkët izraelito-amerikan kishte vrarë liderin suprem të Iranit, Ayatollah Ali Khamenei.
Ushtria izraelite po ashtu njoftoi se sulmet kishin vrarë edhe zyrtarë të tjerë të lartë të mbrojtjes iraniane gjatë takimeve, përfshirë ministrin e Mbrojtjes Aziz Nasirzadeh dhe gjeneralin e Gardës Revolucionare, Mohammad Pakpour. Nuk ka pasur komente nga Irani apo SHBA-ja mbi këto raporte.
Paraardhësi i Mousavit, Mohammad Bagheri, u vra gjithashtu nga sulmet izraelite gjatë luftës së qershorit të vitit të kaluar.
Prezantuesi në Iran duke qarë konfirmon lajmin për vdekjen e Khameneit
Mediat shtetërore në Iran kanë konfirmuar në të njëjtën kohë lajmin për vrasjen e liderit suprem të Iranit, Ajatollah Ali Khamenei.
Një nga prezantuesit, lajmin për vrasjen e tij e ka dhënë duke qarë në një transmetim të drejtpërdrejtë.
Gjatë kësaj kohe ai po e lexonte deklaratën zyrtare të Këshillit të Sigurisë Kombëtare.
“Udhëheqësi dhe Imami i myslimanëve, Madhëria e Tij Ajatollah Sejed Ali Huseini Khamenei, në rrugën e mbrojtjes së lartësimit të faltores së shenjtë të Republikës Islamike të Iranit, piu eliksirin e ëmbël e të pastër të martirizimit dhe iu bashkua Mbretërisë së Lartë Qiellore”, ka thënë ai sipas një përkthimi të agjencisë Reuters.
Protestuesit në Irak vajtojnë Khamenein e përleshen me policinë pranë ambasadës amerikane
Photo: Associated Press
Protestuesit kanë dalë në rrugët e kryeqytetit irakian të dielën në mëngjes për të denoncuar vrasjen e udhëheqësit Suprem Iranian, Ajatollah Ali Khamenei.
Gazetarët e Associated Press panë dhjetëra njerëz duke u përpjekur të kalonin një urë që të çonte në Zonën e Gjelbër të fortifikuar rëndë të Bagdadit, ku ndodhen ndërtesat qeveritare irakiane dhe Ambasada e gjerë e SHBA-së.
Janë dëgjuar edhe shpërthime të forta dhe është parë gaz lotsjellës duke u hedhur drejt protestuesve, sipas pamjeve të AP.
Protestat u zhvilluan pasi Irani pranoi vdekjen e 86-vjeçarit Khamenei në sulmin ajror të përbashkët izraelito-amerikan të shtunën në zyrën e tij në Teheran, i cili ka vënë në pikëpyetje të ardhmen e Republikës Islamike dhe ka ngritur rrezikun e paqëndrueshmërisë rajonale.
🇮🇶🇺🇸 BREAKING: Rioters just seized heavy industrial equipment at the US embassy in Iraq. Not rocks. Not flags. Equipment. The kind that breaks walls.
— New Direction AFRICA (@Its_ereko) March 1, 2026
The empire's fortress just got breached.
While Washington plans wars, the streets are already fighting back.
This isn't a… pic.twitter.com/z87YYfJAWP
“Ky është shansi më i madh për popullin iranian për të rimarrë vendin e tij”, ka shkruar presidenti amerikan, Donald Trump në Truth Social të shtunën.
Kabineti i Iranit është zotuar se ky “krim i madh nuk do të mbetet kurrë pa përgjigje" dhe Garda Revolucionare paraushtarake ka kërcënuar të nisë "operacionin e saj më intensiv ofensiv" ndonjëherë, duke synuar bazat izraelite dhe amerikane.
Irani ka qëllur me raketa objektiva në Izrael dhe shtetet arabe të Gjirit të dielën, pasi u zotua për hakmarrje masive, duke bërë që presidenti Trump të kërcënojë Teheranin kundër përshkallëzimit të mëtejshëm të situatës.
Këto janë figurat e larta iraniane të vrarë nga sulmet e SHBA-së dhe Izraelit
Photo: Associated Press
Një numër figurash të larta në Iran dihet se janë vrarë në sulmet e së shtunës ndaj Iranit.
Ato përfshijnë: Ajatollah Ali Khamenei, udhëheqësi suprem i Iranit, i cili u vra të shtunën në mëngjes në zyrën e tij.
Televizioni iranian ka raportuar se shefi i shtabit të forcave të armatosura të vendit, Abdolrahim Mousavi, u vra në sulmet ajrore.
Teherani ka konfirmuar gjithashtu vdekjen e komandantit të Gardës Revolucionare, Gjeneral Mohammad Pakpour.
Media shtetërore ka raportuar gjithashtu se vajza, dhëndri dhe nipi i Khameneit janë vrarë po ashtu në sulm.
Një burim inteligjence dhe një burim ushtarak i kanë thënë CBS Neës se gjithsej rreth 40 zyrtarë iranianë janë vrarë në sulmet izraelite dhe amerikane që kanë nisur të shtunën.
Izraeli godet me sulm masiv Teheranin
Një shpërthim i madh goditi kryeqytetin e Iranit, Teheran, të dielën, shkruan AP, ndërsa ushtria izraelite njoftoi se po godiste objektiva në zonat qendrore të qytetit. Ngjarja ndodhi një ditë pas sulmeve të përbashkëta të SHBA-së dhe Izraelit që çuan në vrasjen e liderit suprem të Iranit, Ayatollah Ali Khamenei, duke hedhur në dyshim të ardhmen e Republikës Islamike dhe rritur rrezikun e destabilizimit rajonal.
Televizioni shtetëror iranian dhe agjencia shtetërore IRNA njoftuan herët të dielën për vdekjen e 86-vjeçarit. Presidenti amerikan, Donald Trump, kishte bërë lajmin publik disa orë më parë, duke thënë se kjo ofronte iranianëve “mundësinë më të madhe” për të “rimarrë vendin e tyre.”
Gjashtë protestues të vrarë në sulmin ndaj Konsullatës së SHBA-së në Karachi
Shtatë persona kanë humbur jetën dhe 20 të tjerë janë plagosur pas një sulmi ndaj Konsullatës së Shteteve të Bashkuara në qytetin portual Karachi, raporton stafi lokal i emergjencës.
“Qindra persona u shfaqën papritur pranë konsullatës amerikane,” tha zëdhënësi i policisë së Karachit, Rehan Ali, duke shtuar se forcat e policisë arritën shpejt në vendngjarje.
Pamjet e shpërndara në rrjetet sociale tregojnë se protesta ishte e nxitur nga sulmet e SHBA-së dhe Izraelit ndaj Iranit fqinj.
Ende nuk dihet me saktësi se si kanë humbur jetën gjashtë protestuesit, por pamjet tregojnë trupat e gjakosur të shtrirë mbi barela.
Lëvizja e personelit amerikan në Karachi ishte tashmë e kufizuar, me konsullatën që të shtunën kishte lëshuar një deklaratë duke iu referuar “tensioneve aktuale rajonale.”
Irani konfirmon vdekjen e Khameneit
Photo: Associated Press
Mediat shtetërore iraniane kanë konfirmuar vdekjen e liderit suprem Ayatollah Ali Khamenei në zyrën e tij gjatë sulmeve të përbashkëta të Izraelit dhe SHBA-së ndaj Iranit, duke konfirmuar raportimet paraprake nga zyrtarët amerikanë dhe izraelitë.
Në nder të tij është shpallur një periudhë zie 40-ditore.
Konfirmimi i së dielës vjen pasi agjencitë iraniane Tasnim dhe Mehr kishin raportuar fillimisht se Khamenei mbetej “i vendosur dhe i fortë në komandim”.
Presidenti i SHBA-së, Donald Trump, shkroi në platformën e tij Truth Social se 86-vjeçari Khamenei u vra në sulmet e përbashkëta që nisën të shtunën herët në mëngjes.
“Ai nuk mundi të shmangte sistemet tona të inteligjencës dhe gjurmimit shumë të avancuar dhe, duke punuar ngushtë me Izraelin, nuk kishte asgjë që mund të bënin ai ose liderët e tjerë të vrarë bashkë me të,” shkroi Trump. “Ky është mundësia më e madhe për popullin iranian të rimarrë vendin e tij,” shtoi ai. /Al Jazeera
Përplasja në OKB: SHBA dhe Izraeli kundër Iranit, Guterres paralajmëron për përshkallëzim rajonal
Në një mbledhje emergjente të Këshilli i Sigurimit i OKB-së të mbajtur të shtunën, Shtetet e Bashkuara dhe Izraeli u përplasën me Iranin, ndërsa sekretari i përgjithshëm i OKB-së dhe shumë vende të tjera bënë thirrje për ndaljen e sulmeve dhe rikthimin në negociata për të parandaluar përhapjen e konfliktit në rajon dhe më gjerë.
Sekretari i Përgjithshëm Antonio Guterres tha se çdo gjë duhet bërë për të parandaluar përshkallëzimin.
Guterres theksoi se sulmet ajrore të SHBA-së dhe Izraelit shkelin të drejtën ndërkombëtare, përfshirë Kartën e OKB-së. Ai gjithashtu dënoi sulmet hakmarrëse të Iranit për shkeljen e sovranitetit dhe integritetit territorial të Bahreinit, Irakut, Jordanisë, Kuvajtit, Katarit, Arabisë Saudite dhe Emirateve të Bashkuara Arabe.
Nga ana e tyre, ambasadori amerikan në OKB, Mike Waltz, mbrojti veprimet ushtarake të SHBA-së si të ligjshme. “Irani nuk mund të ketë armë bërthamore,” tha ai. “Kjo nuk është një çështje politike, por e sigurisë globale. Për këtë qëllim, Shtetet e Bashkuara po ndërmarrin veprime të ligjshme.”
Ambasadori izraelit në OKB, Danny Danon, mbrojti sulmet ajrore si të nevojshme për të ndaluar një kërcënim ekzistencial.
“Ne po ndalojmë ekstremizmin para se të bëhet i pakontrollueshëm. Do të sigurohemi që asnjë regjim radikal i armatosur me armë bërthamore dhe raketa balistike të mos kërcënojë popullin tonë ose botën”, ka thënë ai.
Nga ana iraniane, ambasadori në OKB, Amir Saeid Iravani, tha se sulmet ajrore kanë vrarë dhe plagosur qindra civilë iranianë, duke i cilësuar ato si krime lufte dhe krime kundër njerëzimit. Ai kritikoi OKB-në dhe Këshillin e Sigurimit për mosveprimin ndaj paralajmërimeve të Teheranit mbi “deklaratat ngacmuese të luftës” nga SHBA-ja në javët e fundit dhe bëri thirrje për veprim të menjëhershëm.
Ky debat nënvizon tensionet e larta ndërkombëtare dhe rrezikun e përshkallëzimit të konfliktit në Lindjen e Mesme.
Irani konfirmon vrasjen e ministrit të Mbrojtjes dhe shefit të Shtabit
Ministri i Mbrojtjes i Iranit dhe shefi i Shtabit të Forcave të Armatosura janë vrarë në sulmet e ndërmarra nga SHBA-ja dhe Izraeli të shtunën, kanë konfirmuar mediat shtetërore iraniane.
Sipas agjencisë gjysmëzyrtare Tasnim, gjenerallejtënant Abdolrahim Mousavi, i cili drejtonte forcat e armatosura që prej vrasjes së paraardhësit të tij gjatë konfliktit 12-ditor në qershor të vitit të kaluar, ka humbur jetën në sulmet e së shtunës.
Po ashtu, është konfirmuar edhe vrasja e ministrit të Mbrojtjes, Aziz Nasirzadeh, raportoi Tasnim.
Më herët, Irani kishte konfirmuar edhe vdekjen e dy figurave të tjera kyçe: gjeneralmajorit Mohammad Pakpour, i cili udhëhiqte Islamic Revolutionary Guard Corps (IRGC), si dhe Ali Shamkhani, sekretar i Këshillit të Lartë të Sigurisë Kombëtare.
Zyrtarët iranianë i kanë cilësuar sulmet si agresion të drejtpërdrejtë, ndërsa tensionet në rajon vazhdojnë të përshkallëzohen.