Ish-presidenti i SHBA-ë, Donald Trump vuri në dispozicion garancinë prej 175 milionë dollarësh për çështjen civile ndaj tij në New York, ku ai është shpallur fajtor për mashtrim me pasurinë. Me depozitimin e garancisë, Trump shmang sekuestrimin e pasurive të tij nga ana e autoriteteve shtetërore.
Republikani Trump, që pritet të përballet me presidentin demokrat Joe Biden në zgjedhjet e nëntorit, u gjet fajtor më 16 shkurt për fryrje artificiale të pasurisë në vlerën e miliarda dollarëve me qëllim që të merrte kredi dhe të siguronte marrëveshje biznesi me kushte më të mira.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë vendimin e 16 shkurtit të gjykatësit Arthur Engoron, parashikohej që Trump të paguante një gjobë prej 454 milionë dollarësh, por më 25 mars, Gjykata e Apelit, vendosi ta shtynte ekzekutimin e vendimit të gjobës, nëse Trump depononte një garanci prej 175-milionë dollarëshe brenda një afati 10-ditor.
Trupi gjykues i përbërë nga tre gjykatës të apelit në New York pritet të marrin në shqyrtim apelimin e vendimit nga Trump.
Vendimi për të reduktuar shumën e garancisë që duhet të depozitojë Trump nuk është një tregues se si mund të vendosë përfundimisht trupa prej tre gjyqtarësh.
Vendimi për depozitimin e garancisë shmang sekuestrimin nga prokurorja e përgjithshme e New Yorkut, Letitia James, të pasurive të Trumpit, përfshirë kullën Trump dhe vendpushimin e tij dhe fushën e golfit në Westchester dhe pronën e tij në Mar-a-Lago në Florida.
Ish-presidenti ka mohuar çdo shkelje dhe ka deklaruar se çështja e ngritur ndaj tij është një gjueti shtrigash për qëllime politike, nga ana e prokurores James, e zgjedhur nga radhët e demokratëve, që ngriti padi ndaj tij në vitin 2022.