Presidenti amerikan, Donald Trump, të premten realizoi një bisedë telefonike me mbretin Salman të Arabisë Saudite, lidhur me përpjekjet për t'i dhënë fund problemit me Katarin, raporton AA.
“Trump, i cili më parë e quajti Katarin një mbështetës të terrorizmit në një nivel shumë të lartë, i ka theksuar Salmanit nevojën për të shkurtuar të gjitha fondet për terrorizëm dhe diskreditimin e ideologjisë ekstremiste”, njofton Shtëpia e Bardhë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSekretari amerikan i Shtetit, Rex Tillerson, kohët e fundit përfundoi një vizitë në rajon, në të cilën kërkoi të zbuten tensionet e krijuara që kur Riadi ndërmori një aksion diplomatik bashkë me shtetet e koalicionit për të izoluar Katarin.
Që nga 5 qershori, Doha i është nënshtruar një bllokade tokësore, detare dhe ajrore të vendosur nga Arabia Saudite, Emiratet e Bashkuara Arabe, Egjipti, Bahreini dhe Jemeni, të cilët akuzojnë Katarin për “mbështetjen e terrorizmit”.
Katari i mohon akuzat.