Tre vëllezër norvegjezë janë arrestuar nën dyshimin për një “bombë terroriste” në ambasadën amerikane në Oslo që shkaktoi dëme të vogla në fundjavë, por pa të lënduar.
Prokurori Christian Hatlo ka thënë në një konferencë për shtyp se vëllezërit, të cilët ishin shtetas norvegjezë me origjinë irakiane, janë arrestuar në Oslo dhe se policia po heton motivin.
“Ne ende po punojmë mbi disa hipoteza. Njëra prej tyre është nëse ky është një urdhër nga një entitet qeveritar. Kjo është mjaft e natyrshme duke pasur parasysh objektivin, ambasadën amerikane, dhe situatën e sigurisë në të cilën ndodhet bota sot”, ka thënë Hatlo.
Ai ka shtuar se hetimi do të synojë të sqarojë saktësisht se çfarë roli kishin luajtur vëllezërit, të cilët ishin në të 20-at dhe të panjohur më parë për policinë.
“Ne besojmë se njëri prej tyre është personi që vendosi bombën jashtë ambasadës dhe se dy të tjerët ishin bashkëpunëtorë në akt”, u ka thënë Hatlo gazetarëve, duke shtuar se policia nuk po përjashtonte lidhjet me “rrjetet kriminale”.
-
Shpërthimi tek ambasada amerikane në Oslo, dyshohet për lidhje me “situatën aktuale të sigurisë”
-
Shpërthim në Ambasadën e SHBA-së në Norvegji
-
Arrestohen dy vëllezër në Prishtinë për sulm ndaj zyrtarëve policorë
-
Alarm i rremë për bombë pranë Ambasadës së SHBA-së në Tiranë, një kovë mes rrugës alarmon zonën
-
Turqia arreston 10 të dyshuar për sulmin me armë jashtë Konsullatës izraelite në Stamboll