Policia në Turqi shpërndau paradën e krenarisë së komunitetit LGBTQ në një nga universitetet më të larta publike të vendit dhe arrestoi të gjithë pjesëmarrësit, shkruan ABC News.
Policia hyri në Universitetin e Bogaziçit dhe rrethoi dhjetëra studentë që mbanin flamuj ylber dhe bënin thirrje për tolerancë. Policia arrestoi studentët një nga një dhe i futën në veturat e policisë me duar të lidhura.
Një grup i vogël studentësh u përpoqën t'i rezistonin arrestimit.
Qeveria konservatore e presidentit turk Recep Tayyip Erdogan ka ndaluar paradat LGBTQ që nga viti 2015, duke përmendur shqetësimet e sigurisë, ndjeshmëritë publike dhe çështje të tjera. Autoritetet kanë urdhëruar ndalimin e ngjarjeve të tjera të lidhura me LGBTQ gjithashtu.
Në Universitetin e Bogaziçit tensionet janë të larta që nga janari i vitit 2021, kur u emëruan rektorët nga shefi i universitetit që ngjalli reagimin e studentëve.