Dhjetëra persona janë arrestuar të dielën në Stamboll, pasi autoritetet turke ndaluan Paradën e Krenarisë. Parada e komunitetit LGBTQ është ndaluar që prej vitit 2015, mirëpo çdo vit grupe të shoqërisë civile mblidhen për ta shënuar fundin e Muajit të Krenarisë.
Kaos GL, grup i njohur i LGBTQ-së në Turqi, ka njoftuar se pak para fillimit të marshimit 52 persona ishin arrestuar. Komiteti i Javës së Krenarisë LGBTQ, më vonë bëri të ditur se më shumë se 100 persona ishin arrestuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZyra e guvernatorit të Stambollit dhe as policia nuk dhanë informacione për numrin e të arrestuarve. Demonstruesit dhe gazetarët u futën në autobusë, përfshirë edhe një fotograf ndërkombëtar të lajmeve.
Sindikata e gazetarëve DISK Basin-Is ka njoftuar se “shumë” ishin rrahur nga policia. Banorët vendas goditnin tenxheret e tiganët nga ballkonet e tyre në shenjë mbështetjeje për marshuesit. Policia organizoi një aksion të madh nëpër sheshet e Stambollit për të përndjekur pjesëmarrësit e marshit të jashtëligjshëm.
Sheshi Taksim është zemra e dyqaneve dhe turizmit të qytetit, si dhe pikë tradicionale për grumbullimin e protestuesve.