Të paktën nëntë persona janë vrarë pranë Konsullatës së Shteteve të Bashkuara në qytetin pakistanez Karachi, pasi shpërthyen protesta pas vrasjes së Udhëheqësit Suprem të Iranit, Ajatollah Ali Khamenei, ka bërë të ditur një zyrtar për Al Jazeera.
Disa persona të tjerë u plagosën kur forcat e sigurisë hapën zjarr për të shpërndarë qindra protestues pro-iranianë që po përpiqeshin të hynin me forcë në konsullatë herët të dielën në mëngjes.
Mjekja kujdestare Dr. Summaiya Syed, tha për Al Jazeera se të paktën nëntë trupa u dërguan në spitalin civil të Karaçit.
Protesta të mëdha shpërthyen edhe në pjesë të tjera të Pakistanit. Protestuesit i vunë flakën një zyreje të Kombeve të Bashkuara në qytetin verior Skardu, në rajonin Gilgit-Baltistan, i njohur për majat e Himalajeve.
“Një numër i madh protestuesish janë mbledhur para zyrës së OKB-së në Gilgit-Baltistan dhe e kanë djegur ndërtesën”, tha zëdhënësi i qeverisë lokale, Shabbir Mir, për agjencinë Reuters, duke shtuar se nuk janë raportuar viktima.
Edhe
Protestuesit në Irak vajtojnë Khamenein e përleshen me policinë pranë ambasadës amerikane
Në qytetin qendror Lahore, qindra protestues u mblodhën para konsullatës amerikane, por nuk pati raportime për dhunë. Një dëshmitar, Aqeel Raza, tha për Reuters se disa protestues tentuan të dëmtonin portën e sigurisë, por policia i ndaloi pa përdorur forcë.
Një tjetër demonstratë pritet të mbahet pranë zonës diplomatike ku ndodhet Ambasada e SHBA-së në Islamabad, pasditen e së dielës./Al Jazeera
Trumpi thotë se janë eliminuar 48 udhëheqës iranianë, Teherani zotohet për hakmarrje
Irani ka konfirmuar të dielën vdekjen e liderit të tij suprem, Ayatollah Ali Khamenei, nga sulmet...-
Gjashtë protestues të vrarë në sulmin ndaj Konsullatës së SHBA-së në Karachi
-
Sulmet amerikane ndërpresin linjën hekurudhore të qytetit ku do të varroset Khamenei
-
Funerali gjashtëditor i Ali Khameneit pritet të mbledhë miliona njerëz në Iran
-
Tetë të vdekur dhe 36 të lënduar nga një zjarr në një qendër tregtare në Iran