Të lodhur nga korrupsioni i rrënjosur dhe të uritur për ndryshime, ukrainasit pritet që ta zgjedhin Volodymyr Zelenskiyn, komikun e papërvojë në politikë, për president të tyrin, në balotazhin e të së dielës.
Zelenskiy, 41-vjeçar, që e luan rolin e presidentit në një emision të popullarizuar televiziv, e ka pasur një epërsi bindëse, që kur e fitoi gati dyfishin e votave në raport me presidentin aktual, Petro Poroshenkon, në raundin e parë të zgjedhjeve të muajit të kaluar, raporton “Reuters”, transmeton “Koha Ditore”.
Rezultatet e anketës së institutit ukrainas për hulumtime, KIIS, të publikuara të mërkurën kanë bërë të ditur se Zelenskiy e gëzon përkrahjen e 72 për qind të të anketuarve, derisa Poroshenko ka marrë 25 për qind.
Përkrahja e madhe për Zelenskiyn mund të shihet në kontekstin e një kryengritjeje politike nëpër shumë pjesë të botës, prej zgjedhjes së presidentit Donald Trump në SHBA, e deri tek Brexiti dhe ngritja e lëvizjes “Pesë Yjet në Itali”.
-
Komiku Zelenskiy fitoi bindshëm zgjedhjet presidenciale në Ukrainë
-
Komediani, Volodymyr Zelenskiy udhëheq në zgjedhjet për president në Ukrainë
-
Fronti i dytë për Zelenskyn: Ukraina në fshehtësi nis përgatitjet për zgjedhje
-
67% e ukrainasve i besojnë Zelenskyt
-
Volodymyr Zelensky shpallet “Personi i vitit” nga revista “Time”