Të gjitha urat drejt qytetit të Severodonetskut janë shkatërruar, ka thënë guvernatori lokal, Serhiy Haidai.
Me qytetin i cili pothuajse ka çdo rrugë të ndërprerë, Haidai ka thënë se dërgimi i furnizimeve dhe evakuimi i civilëve tani është i pamundur.
Luftime të ashpra po zhvillohen në qytetin lindor ku zyrtarët ukrainas thanë se artileria ruse ka dëbuar forcat e saj nga qendra, shkruan BBC-ja të martën.
Për javë të tëra, pushtimi i i Severodonetskut ka qenë objektivi kryesor ushtarak për Rusinë, shkruan tutje BBC-ja.
Marrja e Severodonetskut dhe qytetit të afërt Lyschansk, do t’i jepte Moskës kontrollin e të gjithë rajonit të Luhanskut, shumica e të cilit tashmë kontrollohet nga separatistët e mbështetur nga Rusia.
Të tri urat në Severodonetsk u shkatërruan, tha Haidai në rrjetin “Telegram”.
“Banorët e mbetur në qytet po detyrohen të mbijetojnë në kushte jashtëzakonisht të vështira”, shtoi ai.
Edhe
Severodonetsku në prag të “katastrofës humanitare”
Ish-ushtari britanik Jordan Gatley është në mesin e atyre që janë vrarë gjatë luftimeve për të mbrojtur qytetin, konfirmoi familja e tij të dielën.
Presidenti i Ukrainës Volodomyr Zelensky e përshkroi koston njerëzore të betejës për qytetin si “të tmerrshme”.
Raportet sugjerojnë se rreth 70% e qytetit është tani nën kontrollin rus.
