Talibanët kanë ndaluar shitjen e kontraceptivëve në dy nga qytetet kryesore të Afganistanit, duke pretenduar se përdorimi i tyre nga gratë është një komplot perëndimor për të kontrolluar popullsinë myslimane.
The Guardian ka mësuar se talibanët kanë shkuar derë më derë, duke kërcënuar mamitë dhe duke urdhëruar farmacitë të pastrojnë raftet e tyre nga të gjitha ilaçet dhe pajisjet e kontrollit të lindjes.
“Ata erdhën në dyqanin tim dy herë me armë dhe më kërcënuan që të mos i mbaja për shitje pilulat kontraceptive. Ata po kontrollojnë rregullisht çdo farmaci në Kabul dhe ne kemi ndaluar shitjen e produkteve”, ka thënë një pronar dyqani në qytet.
Një mami veterane, e cila nuk deshi t’i përmendet emri, tha se ishte kërcënuar disa herë. Ajo tha se i ishte thënë nga një komandant taliban se “Nuk ju lejohet të dilni jashtë dhe të promovoni konceptin perëndimor të kontrollit të popullsisë dhe kjo është punë e panevojshme”.
Farmacistë të tjerë në Kabul dhe Mazar-i-Sharif konfirmuan se ata janë urdhëruar të mos rezervojnë asnjë ilaç për kontrollin e lindjes.
"Artikuj të tillë si pilulat e kontrollit të lindjes dhe injeksionet Depo-Provera nuk lejohen të mbahen në farmaci që nga fillimi i këtij muaji dhe ne kemi shumë frikë të shesim stokun ekzistues”, ka thënë një tjetër pronar dyqani në Kabul.
Edhe
Talebanët ndalojnë librat e shkruar nga gratë në universitetet afgane
Ky veprim po konsiderohet si sulmi i fundit ndaj të drejtave të grave nga talibanët, të cilët, që nga ardhja në pushtet, në gusht të vitit 2021, i kanë dhënë fund arsimit të lartë për vajzat, kanë mbyllur universitetet për gratë e reja, kanë detyruar gratë të largohen nga puna dhe kanë kufizuar aftësinë e tyre për të lënë shtëpitë e tyre. Kufizimi i kontraceptivëve do të jetë një goditje e rëndësishme në një vend me një sistem tashmë të brishtë të kujdesit shëndetësor.
Një në çdo 14 gra afgane vdes për shkaqe që lidhen me shtatzëninë dhe është një nga vendet më të rrezikshme në botë për të lindur.
Ministria e Shëndetësisë Publike e Talibanëve në Kabul nuk ka lëshuar ndonjë deklaratë zyrtare për këtë çështje.
