Një luftëtar taleban ka varë një këngëtar afgan të muzikës popullore, në një krahinë malore të trazuar. Rrethanat prapa kësaj vrasje nuk janë të qarta, ka thënë familja e këngëtarit, transmeton agjencia AP.
Vrasja e Fawad Andarabit vjen ndërsa SHBA-ja po i afrohet afatit përfundimtar për tërheqjen e trupave. Gjatë kësaj periudhe janë evakuuar dhjetëmijëra persona nga aeroporti ndërkombëtar i Kabulit.
Një sulm vetëvrasës i ISIS-it në aeroportin e Kabulit shkaktoi vdekjen e rreth 180 personave.
Vrasja e këngëtarit thuhet se ka ndodhur në Luginën Andarabi të premten rreth 100 kilometra larg Kabulit.
Thuhet se talebanët fillimisht kanë shkuar në shtëpinë e Andarabit dhe e kanë kontrolluar, e më pas kanë pirë çaj me të. I biri i Andarabit, Jawadi, ka treguar për Associated Press se çdo gjë ndryshoi të premten, kur edhe e vranë babain e tij.
“Ai ishte i pafajshëm, një këngëtar që vetëm argëtonte njerëzit. Ata e qëlluan në kokë derisa po punonte në fermë”, ka thënë djali i tij.
Edhe
Dhjetëra të vrarë nga sulmet e Pakistanit në Afganistan
Jawad ka thënë se një këshill lokal i talebanëve ka premtuar se do ta dënojë vrasësin e babait të tij.
Zëdhënësi i talebanëve Zabihullah Mujahid ka thënë për AP se do ta hetojnë incidentin, por se nuk ka detaje tjera mbi vrasjen.
