Therja me thikë e tre personave, përfshirë një zyrtar të policisë, në stacionin e trenave “Manchester Victoria” në Manchester të Anglisë, po trajtohet si incident i lidhur me terrorizëm, tha policia britanike.
Ngjarja ndodhi natën e Vitit të Ri, ndërsa një person 25 vjeç u arrestua nën dyshimet për vrasje në tentativë.
Në vendin e ngjarjes u gjetën dy thika.
BBC raporton se shërbimet e sigurisë po e ndihmojnë policinë.
Policia e Manchesterit tha të martën se po heton motivin e sulmit.
Tre të plagosurit u dërguan në spital me plagë serioze, por jo kërcënuese për jetën, thanë autoritetet.
Edhe
S’ka indikacione për terrorizëm në sulmin në tren, thotë policia në Londër
Stacioni i trenave “Manchester Victoria” u rihap pas incidentit.
Kryeministrja britanike, Theresa May, përmes një postimi në Twitter shprehu solidaritet me të plasgosurit në këtë, siç tha, sulm të dyshuar terrorist.
