Sekretari i përgjithshëm i NATO-s, Jens Stoltenberg, ka thënë të mërkurën se Ukraina duhet të marrë mbështetje afatgjate, të parashikueshme e të fuqishme dhe jo ndihmë afatshkurtër, raporton agjencia “AP”.
Stoltenbergu i bëri këto komente nga Brukseli, aty ku ministrat e Jashtëm u mblodhën për dy ditë për të diskutuar luftën e vazhdueshme në Ukrainë.
Stoltenbergu u ka thënë gazetarëve se Kongresi në SHBA duhet t’i tejkalojë dallimet e tij dhe të miratojë një projektligj shtesë për shpenzimet, që përfshin afërsisht 60 miliardë dollarë ndihmë ushtarake për Ukrainën. Ai tha se vonesa e vazhdueshme ka pasoja në fushëbetejë, ku raportohet se Rusia po bën përparime.
“Kjo është një nga arsyet pse ukrainasit duhet të përdorin me kufizime numrin e predhave të artilerisë, pse ata kanë probleme të përballen me Rusinë”, është shprehur ai.
Të mërkurën Ukraina zvogëloi moshën e rekrutimit ushtarak nga 27 në 25 vjeç, për të ndihmuar kështu në shtimin e numrit të ushtarëve pas më shumë se dy vjet luftë.
-
Rutte: Do ta mbështesim Ukrainën në rrugën e saj të pakthyeshme drejt NATO-s
-
Stoltenbergu thotë se NATO-ja s’duhet të ndalet së ndihmuari Ukrainën për shkak të fjalëve të Putinit
-
NATO-ja mund të kishte bërë më shumë për ta parandaluar luftën në Ukrainë, thotë Stoltenberg
-
Shefi i NATO-s: Kina është bërë mbështetëse vendimtare e pushtimit ukrainas nga Rusia
-
Stoltenbergu thotë se Ukraina do të bëhet pjesë e NATO-s