Shërbimet e sigurisë dhe te inteligjencës të Rusisë kanë arritur një sukses më të madh në Ukrainë sesa ushtria, thotë një think-tank për mbrojtje i Britanisë së Madhe, raporton BBC.
Agjencitë ruse të spiunazhit nisën të përgatisnin pushtimin e Ukrainës qysh në qershor të vitit 2021, thotë një raport i Royal United Services Institute (Rusi).
Shërbimi i Sigurisë së Rusisë (FSB) shpejt dominoi popullatën në rajonet e okupuara të Ukrainës, thuhet nga Rusi.
Raporti është përpiluar duke përdorur burime përfshirë dhe dokumente të siguruara.
Zyrtarët e inteligjencës ukrainase, komunikimet e përgjuara dhe kërkimet në terren gjithashtu kontribuan.
Studiuesit thonë se FSB-ja kishte marrë të dhënat nga kompjuterët e qeverisë ukrainase për të identifikuar individë pro-Kievit që agjentët e saj duan t’i arrestojnë dhe marrin në pyetje.
Njësitë e luftës elektronike ishin vendosur për ta shkëputur pjesën e okupuar të Ukrainës nga bota e jashtme dhe për ta ndihmuar Rusinë që ta mbajë nën kontroll, thotë Rusi.
Edhe
Inteligjenca britanike thotë se gati 500 mijë ushtarë rusë janë vrarë në luftën në Ukrainë
Sipas grupit të ekspertëve, kreu i inteligjencës së jashtme ruse, SVR, i tha presidentit të Rusisë, Vladimir Putin, se i duhet më tepër kohë për përgatitje dhe kërkoi të shtyhej pushtimi. Kërkesa e tij u refuzua.
Raporti 39-faqësh, ka për synim të paralajmërojë qeveritë perëndimore në lidhje me shtrirjen e operacioneve të fshehta ruse për të përmbysur një vend të synuar.
“Është e qartë se shërbimet speciale ruse arritën të rekrutonin një rrjet të madh të agjentëve në Ukrainë përpara pushtimit dhe se shumica e aparatit ka mbetur i zbatueshëm pas pushtimit”, ka thënë Jack Watling, autori kryesor i raportit.
