Një anije shpëtimi jofitimprurëse që operonte në brigjet e Libisë shpëtoi 258 emigrantë në dy operacione të veçanta në orët e para të mëngjesit të së premtes, raporton agjencia AP.
E para nga dy shpëtimet përfshiu 162 emigrantë, duke përfshirë 17 gra dhe 29 të mitur, shumë prej tyre në një vend të ngushtë poshtë kuvertës.
Anija kishte një motor, por pa sistem lundrimi në të, sipas Flavia Conte, koordinatore e shpëtimit për anijen "Geo Barents".
Shpëtimi i dytë përfshiu 96 njerëz në një anije të ngjashme prej druri, duke përfshirë nëntë fëmijë, kryesisht sirianë.
Autoriteti Detar Italian i ka thënë "Geo Barents" që t’i çojë njerëzit e shpëtuar në portin e Salernos, afër Napolit, 400 kilometra nga vendndodhja e tyre aktuale, sipas Contes.
Artikuj të ngjashëm