Shpërthimi i bombës në Pakistan lë të vdekur dy fëmijë dhe 16 të plagosur

Një shpërthim me bombë në Pakistanin jugperëndimor la të vdekur dy fëmijë dhe 16 persona të lënduar të shtunën, thanë zyrtarët e policisë.

Shtatë policë ishin midis të plagosurve kur bomba me telekomandë, e lidhur në një motoçikletë, shpërtheu pranë selisë së policisë në Pishin, raportoi Reuters.

“Eksplozivë u vendosën në një motoçikletë e cila ishte e parkuar në zonë”,  ka bërë të ditur zyrtari i policisë Mujeeb-Ur-Rehman, duke shtuar se dy fëmijët e vrarë po kalonin në rrugë kur ndodhi shpërthimi.

Kryeministri Shehbaz Sharif shprehu dhimbje për atë që ai e quajti martirizimin e fëmijëve të vegjël. Në një deklaratë ai shprehu ngushëllime për familjet e tyre, duke shtuar se po lutet për shërimin e policëve të lënduar dhe personave të tjerë të përfshirë në incident.