Qeveria e SHBA-së ka njoftuar dërgesa të reja të armëve në Ukrainë në vlerë totale prej 725 milionë dollarësh.
Pako e re e ndihmës së sigurisë për Ukrainën përfshinë sisteme raketore me lëvizshmëri të lartë (HIMARS), municion, makina të blinduara dhe pajisje mjekësore, njoftoi më 14 tetor Departamenti amerikan i Shtetit dhe Pentagoni.
Ndihma vjen "në vazhdën e sulmeve brutale me raketa të Rusisë ndaj civilëve në të gjithë Ukrainën" dhe "provave në rritje të mizorive nga forcat ruse", tha në një deklaratë sekretari amerikan i Shtetit, Antony Blinken.
“Ne do të vazhdojmë të qëndrojmë me popullin e Ukrainës, teksa ata mbrojnë lirinë dhe pavarësinë e tyre me guxim të jashtëzakonshëm dhe vendosmëri të pakufishme”, tha ai.
Sekretari amerikan i Mbrojtjes, Lloyd Austin, tha më 12 tetor se aleatët janë të përkushtuar për të dërguar armë në Ukrainë “sa më shpejt që të jetë e mundur”
Me pakon e re, ndihma që Uashingtoni ka ofruar për Kievin qëkur ka nisur pushtimi rus i Ukrainës, arrin në vlerën mbi 18.3 miliardë dollarë./ REL
-
SHBA-ja ndan 725 milionë dollarë ndihmë ushtarake për Ukrainën
-
SHBA-ja njofton 1.7 miliard dollarë ndihmë ushtarake për Ukrainën
-
SHBA-ja do t’i dërgojë Ukrainës armatim në vlerë 250 milionë dollarë
-
SHBA-ja i ndan edhe 1.1 miliardë dollarë për Ukrainën
-
SHBA-ja do t’i ndajë edhe 13 miliardë dollarë për ushtrinë ukrainase