Zëdhënësja e Shtëpisë së Bardhë, Karoline Leavitt, thotë se “49 udhëheqësit më të lartë të regjimit iranian” janë vrarë në operacionin izraelito-amerikan ndaj Iranit.
Në një postim në rrjete sociale, ajo ka përshkruar operacionin.
“Vrasja e terroristëve është e mirë për Amerikën. 49 nga udhëheqësit më të lartë të regjimit iranian – përfshirë liderin suprem Ayatollah Ali Khamenei – janë zhdukur nga faqja e Tokës deri më tash në sulmet hapëse të ‘Operacionit Epic Fury’”, tha ajo.
Ndërkohë Komanda Qndrore Amerikane (Centcom) tha se ka fundosur 11 anije iraniane në Gjirin e Omanit, duke lënë Iranin pa asnjë anije të mbetur në atë zonë.
“Dy ditë më parë, regjimi iranian kishte 11 anije në Gjirin e Omanit, sot i ka ZERO”, ka njoftuar Centcom.
E po ashtu Centcom ka treguar faktet për operacionin.
Edhe
Izraeli: 40 zyrtarë të lartë ushtarakë iranianë u vranë në sulmet e fundit
Ka thënë se më shumë se 1250 objektiva janë goditur në 48 orët e para.
Ka treguar se janë përfshirë bombardues B-1, aeroplanë luftarakë F-16, transportues aeroplanësh dhe shkatërrues.
