SHBA-ja, Koreja e Jugut dhe Japonia organizojnë stërvitje të përbashkëta

SHBA-ja ka lëshuar një bombardues me rreze të gjatë veprimi, për stërvitje të përbashkëta me Korenë e Jugut dhe Japoninë të mërkurën në një shfaqje force kundër Koresë së Veriut, raporton agjencia “AP”. Këto stërvitje vijnë disa ditë pasi Koreja e Veriut kreu testin e parë të raketës balistike ndërkontinentale në pesë muaj. Stërvitja trepalëshe në ishullin jugor Jeju të Koresë së Jugut kishte për qëllim të forconte reagimin e përbashkët të vendeve kundër kërcënimeve bërthamore të Koresë së Veriut, tha në një deklaratë Shefi i Shtabit të Përbashkët të Koresë së Jugut.

Stërvitja përfshinte një bombardues B-1B dhe avionë luftarakë të Koresë së Jugut dhe Japonisë, thuhet në deklaratë.

Një bombardues B-1B është në gjendje të mbajë një ngarkesë të madhe armësh konvencionale. Koreja e Veriut e ka quajtur më parë vendosjen e bombarduesit një provë të armiqësisë së SHBA-së dhe kishte reaguar me teste raketore. Koreja e Veriut lëshoi të hënën një ICBM Hwasong-18 në det në një stërvitje që ajo tha se kishte për qëllim paralajmërimin e SHBA-së. Koreja e Veriut përmendi një takim të fundit SHBA - Kore Jugore për të diskutuar planet e tyre të parandalimit bërthamor.