SHBA-ja e ndal dhënien e vizave për njerëzit e Gazës

Departamenti Amerikan i Shtetit njoftoi se e ka ndalur dhënien e të gjitha vizat për njerëzit nga Gaza.

Ndalimi u lëshua për të kryer një “rishikim të plotë dhe tërësor të procesit dhe procedurave të përdorura për të lëshuar një numër të vogël vizash të përkohshme mjekësore-humanitare në ditët e fundit”, tha agjencia në X.

Vendimi është dënuar nga disa grupe të të drejtave palestineze.

Fondi i Ndihmës për Fëmijët Palestinezë tha në një deklaratë se vendimi “do të ketë një ndikim shkatërrues dhe të pakthyeshëm në aftësinë tonë për të sjellë fëmijë të plagosur dhe në gjendje kritike nga Gaza në Shtetet e Bashkuara për trajtim mjekësor”.

Ndryshimi i politikës së Departamentit të Shtetit vjen pasi aktivistja e ekstremit të djathtë Laura Loomer shkroi një seri postimesh në X duke kritikuar programin e vizave dhe duke i kërkuar administratës Trump të “mbyllë këtë gjë të neveritshme”.

Edhe Botë 26 gus 2026 SHBA-ja pezullon të gjitha aplikimet për viza imigruese

Në postimet pasuese në X të shtunën, Loomer  falënderoi Sekretarin e Shtetit Marco Rubio për ndalimin e përkohshëm të vizave.

Fondi i Ndihmës për Fëmijët Palestinezë thotë se ka evakuuar 169 fëmijë nga Gaza në vitin 2024 si pjesë e programit të tij të trajtimit jashtë vendit, duke i dërguar ata në Lindjen e Mesme, Evropë, Afrikën e Jugut dhe SHBA për kujdes.