Rusia vendos trupa dhe armë në rajonin e Kurskut

Ministria ruse e Mbrojtjes publikoi të shtunën pamjet që  shfaqnin personelin ushtarak dhe pajisjet e vendosura në rajonin Kursk, të cilat synojnë të sprapsin forcat ukrainase që sulmuan në Rusi në fillim të kësaj jave, raporton AP.  

Pamjet tregojnë helikopterët, avionët luftarakë dhe dronët që godasin objektivat në zonat pyjore.

Presidenti rus Vladimir Putin ka kryesuar një seancë të jashtëzakonshme të Këshillit të Sigurimit në lidhje me “aspektet specifike të luftës kundër terrorizmit”. 

Menjëherë pas takimit, tre rajonet në kufi me Ukrainën, përkatësisht rajonet Kursk, Belgorod dhe Bryansk deklaruan atë që  e quajtën një “operacion kundër terrorizmit”.