Rusia u kërkon qytetarëve të saj të evitojnë udhëtimin drejt Perëndimit

Rusia ka lëshuar një paralajmërim udhëtimi për qytetarët e saj me arsyetimin se tensionet me SHBA-në janë "në prag të shpërthimit".

Maria Zakharova, zëdhënëse e ministrisë së Jashtme ruse, u ka bërë thirrje qytetarëve të mërkurën që të "përmbahen nga udhëtimet në SHBA, Kanada dhe me disa përjashtime në vendet e BE-së" gjatë periudhës së Krishtlindjes.

Ajo ka thënë se ata që udhëtonin mund të viheshin në gjueti të autoriteteve amerikane, raporton Reuters.

“Në kontekstin e rritjes së konfrontimit në marrëdhëniet ruso-amerikane, të cilat janë në prag të shpërthimit për fajin e Uashingtonit, udhëtimet në Shtetet e Bashkuara të Amerikës privatisht ose nga nevoja zyrtare janë të mbushura me rreziqe serioze”, ka thënë Zakharova.

Ajo nuk elaboroi se cilat vende të BE-së ishin të përjashtuara nga rekomandimet e udhëtimit.

Edhe Botë 27 gus 2026 Rusia paralajmëron Britaninë dhe Francën: Po luani me zjarrin

Megjithëse paralajmërimet e udhëtimit midis Rusisë, SHBA-së dhe më gjerë nuk janë asgjë e re, diplomatët si në Moskë ashtu edhe në Uashington thonë se marrëdhënia midis dy vendeve është më e keqe se në çdo kohë që nga kriza e raketave Kubane e vitit 1962 për shkak të mosmarrëveshjeve rreth luftës në Ukrainë.

Muajin e kaluar, marrëdhëniet u tensionuan më tej për shkak të përdorimit të raketave amerikane dhe britanike nga ana e Ukrainës për të goditur thellë brenda territorit rus, teksa Rusia vendosi të ulte pragun e saj bërthamor.

Të dyja palët akuzojnë njëra-tjetrën edhe për ndalimin e qytetarëve për akuza të pabaza.

Presidenti i ardhshëm i SHBA-së, Donald Trump u ka kërkuar të dyja palëve në luftën në Ukrainë që të bien dakord për një armëpushim të menjëhershëm, duke thënë se është "koha e Vladimir Putinit për të vepruar".

Edhe Botë 23 qer 2026 Putini akuzon Perëndimin se po përgatitet haptas për luftë me Rusinë

Duke shkruar në mediat sociale më 8 dhjetor, presidenti i zgjedhur bëri thirrje për një "armëpushim të menjëhershëm".

"Unë e njoh mirë Vladimirin. Është koha e tij për të vepruar. Kina mund të ndihmojë. Bota po pret!", ka thënë Trumpi duke iu referuar afërsisë me Putinin.