Rusia ka raportuar shifër rekorde të rasteve të reja me koronavirus. Në Rusi në 24 orët e fundit janë regjistruar 180.071 raste të reja me koronavirus.
Kjo rritje e numrit të rasteve thuhet se është si pasojë e variantit Omicron.
Numri i rasteve i regjistruar në 24 orët e fundit në Rusi është për afro 2800 më i madh se i një dite më parë. Ndërsa shifrat janë dukshëm më të mëdha sesa ato në mesin e janarit, kur kishte rreth 17 mijë raste ditore.
Në 24 orët e fundit në Rusi janë regjistruar 661 të vdekur.
Që nga fillimi i pandemisë Rusia ka raportuar 12.8 milionë raste të infeksionit me koronavirus, dhe 335.414 të vdekur.
Artikuj të ngjashëm
