Vdekjet nga koronavirusi kanë regjistruar vlera rekorde të martën në Rusi, dy ditë pasi u kthyen masat e izolimit në shumicën e vendit.
Task-forca e shtetit kundër koronavirusit ka raportuar 1211 raste të vdekjes, ditën më të rëndë që kur ka nisur pandemia, dhe 39 mijë e 160 raste të reja.
Që nga fundi i tetorit ky shtet ka raportuar vazhdimisht rreth 40 mijë raste të reja dhe 1100 vdekje për ditë.
Më pak se 40 për qind e 146 milionë qytetarëve të Rusisë janë vaksinuar tërësisht kundër COVID-19.
Artikuj të ngjashëm