Rusia i liston si “agjentë të huaj” anëtaret e grupit “Pussy Riot”

Dy anëtare të grupit aktivist pop-punk “Pussy Riot” janë renditur si "agjentë të huaj" nga qeveria ruse, së bashku me gazetarë dhe figura të tjera të shquara.

Një listë e përditësuar u publikua nga ministria ruse e Drejtësisë.

Pussy Riot tha se ata do të apelojnë në gjykatë dhe nuk do të respektojnë rregullat për etiketimin e postimeve në mediat sociale.

Termi "agjent i huaj" mbart një ngjyrim negativ të epokës sovjetike në Rusi, duke sugjeruar spiunazh.

Ligji për agjentët e huaj u miratua në vitin 2012 për të vënë në dukje organizatat jofitimprurëse të financuara nga jashtë, por u zgjerua për të përfshirë media të pavarura dhe individë.

“Këta njerëz shpërndajnë sistematikisht materiale në një rreth të papërcaktuar personash, ndërkohë që marrin fonde të huaja”, ka thënë ministria e Drejtësisë në një deklaratë.

Edhe Botë 1 dhj 2022 Rusia rrit represionin ndaj popullsisë së saj ndërsa po përballet me pushtimin në Ukrainë

Çdo individ i cilësuar si agjent i medias së huaj duhet të regjistrohet dhe të japë detaje të aktiviteteve dhe financave çdo gjashtë muaj. I gjithë materiali i tyre, duke përfshirë mesazhet e mediave sociale, duhet të përmbajë një mesazh të gjatë që tregon statusin e tyre si agjent i huaj.

I formuar në vitin 2011, Pussy Riot, një grup kolektiv feminist, agjiton kundër Presidentit Vladimir Putin dhe shtetit rus, përmes muzikës dhe aktivizmit.