Mediat ukrainase raportuan se Kievi u sulmua sërish të martën, nga dronët iranianë, që u lëshuan nga territori i Bjellorusisë.
Siç shkruan “Ukrainska Pravda”, 10 dronë Shahed-136, goditën Kievin dhe lokacione pranë kryeqytetit, derisa nuk është bërë e ditur për dëmet apo viktimat.
Tash e dy javë, Kievi po sulmohet nga Rusia me dronë iranianë. Shtetet e Bashkuara të Amerikës kanë deklaruar se po punojnë që ta “fortifikojnë” qiellin ukrainas, në mënyrë që hapësira ajrore të sigurohet nga sulmet e tilla.
Dronët luftarakë u bënë temë, pasi Rusia po furnizohet nga Irani me një armatim të tillë.
Bjellorusia ndërkohë, nuk ka konfirmuar se sulmet mbi Ukrainë po nisin nga territori i saj.
