Rusia sulmoi Ukrainën gjatë natës me 16 dronë të prodhuar nga Irani - me shtatë prej tyre të synuar në kryeqytetin, Kiev, kanë thënë zyrtarët ukrainas.
Të gjithë dronët u shkatërruan, sipas ushtrisë së Kievit.
Një ditë më parë, të enjten, një valë raketash ruse u gjuajt drejt qyteteve në të gjithë vendin, raportoi BBC.
Rusia thotë se ka goditur objektivat energjetike dhe ushtarake për të dobësuar kapacitetin e Ukrainës për të lëvizur rezervat e ushtrisë dhe për të riparuar pajisjet.
Pesë nga dronët u rrëzuan në ajër, tha Vitali Klitschko, kryetari i qytetit.
Askush nuk u lëndua në Kiev, por dritaret në dy ndërtesa u dëmtuan, shtoi Klitschko.
Edhe
Rusia kryen një nga sulmet më të mëdha me raketa balistike ndaj Ukrainës
Forcat e armatosura të Ukrainës thanë se vendi ishte goditur nga më shumë se 180 sulme të llojeve të ndryshme në 24 orët e fundit – kryesisht në infrastrukturën energjetike, sipas presidentit Volodymyr Zelensky.
Besohet se Rusia ka përdorur dronët Shahed-136 të prodhuar nga Irani në konfliktin në Ukrainë që nga mesi i shtatorit. Irani e ka mohuar këtë.
