Forcat ruse kanë lëshuar një varg dronësh Shahed në drejtim të qytetit Kharkiv të Ukrainës gjatë natës të së mërkurës, duke lënë të vdekur të paktën katër e të plagosur 12 persona, ka bërë të ditur të enjten guvernatori rajonal, Oleh Syniehubov.
Autoritetet ukrainase kanë thënë se forcat e saj kanë rrëzuar 11 nga 20 dronët që Rusia kishte lëshuar në drejtim të Ukrainës, raportoi AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTre shpëtues në Kharkiv u vranë kur Rusia goditi një ndërtesë shumëkatëshe të dëmtuar në një sulm të mëparshëm, kanë thënë autoritetet lokale. Gjashtë persona u plagosën në atë vend. Një tjetër ndërtesë 14-katëshe u godit nga një dron, duke lënë të vdekur një grua 69-vjeçare.
Kharkivi ka qenë vazhdimisht cak i forcave ruse në javët e fundit. Qyteti lindor është afër kufirit me Rusinë dhe është goditur edhe nga raketat balistike edhe nga dronët.
Një sulm masiv që kishte për qëllim shkatërrimin e infrastrukturës energjetike të Ukrainës ka lënë në terr pjesën më të madhe të Kharkivit.