-
Përktheu:
Blerta Haxhiu
- 10 janar 2025 12:34
- Shpërndaje në:
Rusia e ka akuzuar Ukrainën të premten për kryerjen e një sulmi me raketa në një supermarket në qytetin e kontrolluar nga Rusia në Donetsk të Ukrainës lindore.
Raportohet se sulmi vrau dy civilë dhe plagosi dy të tjerë.
Agjencia shtetërore ruse e lajmeve RIA citoi hetuesit rusë të kenë thënë se një raketë HIMARS, me të cilat SHBA-ja e furnizoi Ukrainën, duket se është përdorur në sulm.
Pamjet e kamerave të postuara nga një ngasës aty pranë duket se tregojnë momentin kur supermarketi - i quajtur Moloko, u godit.
Denis Pushilin, një zyrtar i lartë i mbështetur nga Rusia, akuzoi ushtrinë ukrainase se gjuajti HIMARS në zonë gjatë orëve të mëngjesit, raporton Reuters.
Agjencia ruse e lajmeve TASS ka raportuar se ndërtesa të tjera dhe rreth 15 makina janë dëmtuar nga i njëjti sulm.
Pushilin ka theksuar në një deklaratë në llogarinë e tij zyrtare në Telegram se një ndërtesë apartamentesh në qytetin Svitlodarsk në rajonin e Donetskut ishte goditur gjithashtu nga forcat ukrainase, duke vrarë një grua dhe duke plagosur katër persona të tjerë.
